Անկարայում հայկական գերեզմանոց են պղծել. Աճյունները հանել են գերեզմաններից

Անկարայում հայկական գերեզմանոց են պղծել. Աճյունները հանել են գերեզմաններից

PanARMENIAN.Net - Թուրքիայի մայրաքաղաք Անկարայի Սինջան շրջանում գտնվող հայկական Սբ Փրկիչ և Սբ Քառասուն մանուկ եկեղեցիներին պատկանող հայկական գերեզմանոցը պղծել են, աճյունները՝ հանել գերեզմաններից։

Նախկին փոխվարչապետ Ալի Բաբաջանի կողմից հիմնադրված «Ժողովրդավարություն և առաջընթաց» կուսակցություն (DEVA) փոխնախագահ Մուսթաֆա Յեներօղլուն այս հարցի առթիվ դիմել է Անկարայի քաղաքապետ Մանսուր Յավաշին, գրում է Ermenihaber-ը։

Նա հայտնել է, որ գերեզմանոցում աճյունները դուրս են հանվել գերեզմաններից և ամենուր մարդկային ոսկորներ են ցրիվ տրված։

Յեներօղլուն շեշտել է, որ սա ամոթալի վիճակ է և պետք է անմիջապես աճյունները վերաթաղել և կարգի բերել գերեզմանոցը։

Անկարայի քաղաքապետը հայտնել է, որ իրենք զբաղվում են այդ հարցով։

 Ուշագրավ
«Կանգնած ենք սարի պես, մինչև վերջ կանգնելու ենք»,- ասել է նա
Ըստ քաղխորհրդի՝ Արցախի միջազգային ճանաչումը և բնակչության ինքնորոշումը հակամարտության միակ մշտական լուծումն են
Ցույցի մասնակիցները պատրաստվում են շարժվել Եվրապարլամենտ
ՄԻԵԴ-ը բացառել է ադրբեջանցի սպա Ռամիլ Սաֆարովի գործով վճռի վերանայման հնարավորությունը