Բելառուսական Nexta տելեգրամ ալիքի ստեղծողի հանդեպ հետախուզում է հայտարարվել

Բելառուսական Nexta տելեգրամ ալիքի ստեղծողի հանդեպ հետախուզում է հայտարարվել

PanARMENIAN.Net - Բելառուսական Nexta տելեգրամյան էջի ստեղծող Ստեփան Պուտիլոյին մեղադրանք է առաջադրվել զանգվածային անկարգություններ կազմակերպելու քրեական հոդվածով։ Նրան հանդեպ հայտարարվել է հետախուզում․ սպառնում է մինչև 15 տարվա ազատազրկում։ Այս մասին հայտնում է տելեգրամյան ալիքը։

Nexta Live ալիքը ունի 1․9 մլն հետևորդ, իսկ Nexta ալիքը՝ 720,000։

Բելառուսում օգոստոսի 9-ին կայացած նախագահական ընտրություններից հետո ԿԸՀ-ն հայտարարել է, որ գործող նախագահ Ալեքսանդր Լուկաշենկոն հավաքել է ձայների 80.23%-ը, իսկ Տիխանովսկայան՝ 9.9%։ Ընդդիմադիրները պնդում են, որ պատկերը հակառակն է և ընտրությունները կեղծվել են։

Նախագահական ընտրությունների ավարտից հետո երկրում հակակառավարական ցույցեր են անցկացվում, որոնք ուղեկցվում են ոստիկանության կողմից բռնի ուժի կիրառմամբ։ Հայտնի է, որ մի քանի օրում ամենաքիչը 6000 մարդ է բերման ենթարկվել և ձերբակալվել։ Կան նաև զոհվածներ։

Ընտրությունների օրվանից երկրում ինտերնետի հասանելիությունը սահմանափակվել էր։ Ցույցերին և ոստիկանական բռնություններին վերաբերող տեղեկությունը հիմնականում տեղադրվում էր բելառուսական տելեգրամյան ալիքներում, այդ թվում՝՝ Nexta-յում։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին