Հայաստանի պաշտպանության նախկին նախարար Վաղարշակ Հարությունյանը նշանակվել է վարչապետ Նիկոլ Փաշինյանի գլխավոր խորհրդական։

Վարչապետն օգոստոսի 18-ին ստորագրել է Հարությունյանի նշանակման որոշումը։

Վերջինս 2002 թվականի հուլիսի 22-ին երկրորդ նախագահ Ռոբերտ Քոչարյանի հրամանագրով աստիճանազրկվել է։ Նա այդ քայլը համարել էր անօրինական, իսկ «Հանրապետություն» կուսակցության պնդմամբ, որի հիմնադիր անդամ էր Վաղարշակ Հարությունյանը, նրա աստիճանազրկումը քաղաքական հաշվեհարդարի միջոց էր։ 2019 թվականին Հարությունյանի զինվորական կոչումը վերականգնվել էր, և նա նշանակվել էր ԵԿՄ փոխնախագահ։