ԱՀԿ․ Մարդկությունը պանդեմիան կհաղթահարի մոտ 2 տարում

ԱՀԿ․ Մարդկությունը պանդեմիան կհաղթահարի մոտ 2 տարում

PanARMENIAN.Net - Առողջապահության համաշխարհային կազմակերպության գլխավոր տնօրեն Թեդրոս Հեբրեյեսուսը հայտարարել է, որ մարդկությունը կկարողանա հաղթահարել կորոնավիրուսի պանդեմիան մոտ 2 տարում։

«Կապերի բազմազանության պարագայում վիրուսն ավելի արագ է տարածվում, սակայն մենք ունենք տեխնոլոգիաներ դա կասեցնելու համար»,- ասել է նա, գրում է ՌԻԱ Նովոստին։

Հեբրեյեսուսը նշել է, որ իսպանական գրիպի պանդեմիան, որը եղել է 1918-ին, 2 տարի է տևել, սակայն ԱՀԿ-ն հուսով է, որ Covid-19-ի դեպքում ավելի արագ կհաջողվի հաղթահարել վարակը։

ԱՀԿ արտակարգ հիվանդությունների ստորաբաժանման տեխնիկական խմբի ղեկավար Մարիա Վան Կերկհովեն ասել է, որ կազմակերպությունն աշխատանքային խումբ է ստեղծել Covid-19-ի մուտացիաների ուսումնասիրման համար։

Կորոնավիրուսով վարակի հարուցած Covid-19 թոքաբորբի բռնկումն առաջին անգամ գրանցվել է չինական Ուհանում 2019-ի դեկտեմբերին։ 2020-ի մարտի 11-ին ԱՀԿ-ն պանդեմիա է հայտարարել։ Աշխարհում վարակի մոտ 22.5 մլն դեպք է գրանցվել, մոտ 800,000 մարդ մահացել է։

Photo. AFP/Getty Images
 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---