Հայ բռնցքամարտիկ Վիկ Դարչինյանը Խորխե Արսեի հետ մենամարտում կարողացավ պաշտպանել թեթեւագույն քաշում (մինչեւ 49 կգ) բացարձակ չեմպիոնի իր տիտղոսները IBF, WBC եւ WBA վարկածներով: Նախօրեին «հաճոյախոսություններ» փոխանակած մարզիկները մենամարտում էին մինչեւ 11 ռաունդը: Չնայած Դարչինյանի նկատելի առավելությանը մեքսիկացի բռնցքամարտիկը արժանի դիմադրություն ցույց տվեց աշխարհի չեմպիոնին եւ կարողացավ ոտքի վրա մնալ ողջ մենամարտի ընթացքում չնայած մրցակցի հզոր հարվածներին, որոշ ռաունդներում փորձելով նույնիսկ խլել նախաձեռնությունը: Սակայն 11-րդ ռաունդում Արսեն բաց թողեց աշխարհի չեմպիոնի մի շաքր հզոր հարվածներ, եւ աջ աչքի վերեւում մաշկի պատռվածքի պատճառով, բժշկի խորհրդով, մարտը դադարեցվեց:

Արդյունքում Վիկ Դարչինյանը տեխնիկական նոկաուտով հաղթանակ տարավ իր մրցակցի հանդեպ 11-րդ ռաունդում: Բացի այդ, Դարչինյանը 109-100 տարբերությամբ առավելություն ուներ բոլոր մրցավարական քարտերի վրա: