Նոր ուսումնական տարում դպրոցներ համավարակի հնարավոր ներթափանցումը կանխելու նպատակով Երևանի քաղաքապետարանն առողջապահության նախարարության հետ կձեռնարկի անհրաժեշտ միջոցներ։ Մինչև ուսումնական տարվա սկիզբը բոլոր ուսուցիչները պարտադիր կթեստավորվեն:
Այդ մասին ասվել է Երևանի պոլիկլինիկաների ղեկավարների մասնակցությամբ կայացած հատուկ խորհրդակցության ժամանակ։
Ուսուցիչների թեստավորման շնորհիվ կբացառվի այս պահին վարակված աշխատակիցների մուտքը դպրոց: Թեստավորման վայրի և ժամկետի մասին կհայտարարվի լրացուցիչ։
Քննարկվում է նաև հետագա թեստավորման խնդիրը:
Դպրոցների բուժկետերը կապահովվեն անհրաժեշտ դեղորայքով, բուժքույրերն էլ կվերապատրաստվեն և կաշխատեն փոփոխված ժամանակացույցով:
Երևանի քաղաքապետարանի առողջապահության վարչության պետ Կամսար Բաբինյանն ընդգծել է, որ նախապատրաստական աշխատանքները պետք է կազմակերպվեն հնարավորինս սեղմ ժամկետներում:
Բուհերում և հանրակրթական հաստատություններում ուսումնական գործընթացը մեկնարկում է սեպտեմբերի 15-ից (բացառությամբ առաջին կուրսի ուսանողների): Բակալավրի առաջին կուրսի ուսանողների համար դասապրոցեսը կսկվի սեպտեմբերի 1-ից:
Սեպտեմբերին դպրոցներում մեկնարկող դասերին ուսանողներն ու աշակերտները կներկայանան դիմակներով։ Դպրոցները կապահովվեն ախտահանիչ միջոցներով։ Հնգօրյայի փոխարեն դասերը կլինեն վեցօրյա, որպեսզի հնարավոր լինի դասաժամերը կրճատել։