Հայ սակրավորներն օգոստոսին Սիրիայում 33,143 քմ են ականազերծել

Հայ սակրավորներն օգոստոսին Սիրիայում 33,143 քմ են ականազերծել

PanARMENIAN.Net - Սիրիայում Հայաստանի հումանիտար առաքելության 5-րդ խմբի սակրավորներն օգոստոսին 33,143 քառակուսի մետր ականապատ տարածք են ականազերծել, տեղեկացնում է «Հումանիտար ականազերծման և փորձագիտական կենտրոն» ՊՈԱԿ-ը։

Առաքելության առաջին իսկ օրվանից ականազերծվել է ընդհանուր 238,230 քմ տարածք:

Օգոստոսին հայտնաբերվել է 2 հատ ՇՕԱԲ տեսակի կասետային ենթազինամթերք, 13 հատ 120մմ ականանետի չպայթած արկ, 3 հատ 82մմ ականանետի չպայթած արկ, 14 հատ OA-2,5 ՌՏՄ ավիացիոն ենթազինամթերք, 5 ինքնաշեն պայթուցիկ սարք, 9 հակատանկային ՏՄ-62П, 18 հատ ՎՕԳ-17Մ, 7 հատ ԴՇԿ-ի չկրակված փամփուշտ, 7 հատ ՏՄ-62М , 3 հատ ՌՊԳ-7, 1 հատ ՊՄՆ-2, 1 հատ ՏՄ-57, 1 հատ ԶՀՊ-2, 1 հատ ՕԶՄ-721, 1 հատ ՏՄ-62ՊԶ:

Հումանիտար առաքելության 5-րդ խմբի բժիշկները համաճարակային սահմանափակումների պայմաններում բուժօգնություն են ցուցաբերել 1273 տեղաբնակի: Առաքելության առաջին օրվանից՝ 16,695 հիվանդի: Օգոստոսի 29-ին մարդասիրական խմբի 5-րդ բժշկական խումբը Հալեպ նահանգի առողջապահության պատասխանատու նախարար դոկտոր Զիադ Աջթահայի և Սիրիայի Հայ Ավետարանական համայնքի ղեկավար, Վերապատվելի Հարություն Սելիմյանի կողմից պրոֆեսիոնալ աշխատանքի համար պարգևատրվել է շնորհակալագրերով:

Չնայած Հալեպում համավարակով պայմանավորված մի շարք սահմանափակումների և դժվարությունների՝ մարդասիրական խումբը շարունակում է իրականացնել իր առաքելությունը:

Սիրիայի ժողովրդին մարդասիրական մասնագիտական օժանդակություն ցուցաբերելու նպատակով 2019-ի փետրվարի 8-ին, հումանիտար ականազերծողներից, բժիշկներից և նրանց անմիջական անվտանգությունն ապահովող հայ մասնագետներից բաղկացած խումբը (ընդհանուր՝ 83 անձ) սկսել է հումանիտար առաքելությունը։

 Ուշագրավ
Կողմերն անդրադարձել են ՀՀ-ԵՄ հարաբերություններին, Լեռնային Ղարաբաղի շուրջ ստեղծված իրավիճակին
Ավելի վաղ ԱՀ նախագահը հանդիպել էր Արկադի Ղուկասյանի և Բակո Սահակյանի հետ
Նա նշել է, որ Մեծի Տանն Կիլիկիո կաթողիկոսությունը չի կարող անտարբեր և լուռ մնալ
---