 ԱՄՆ-ն հրաժարվում է մասնակցել ԱՀԿ-ի նախաձեռնած` Covid-19-ի պատվաստանյութերի խթանման ծրագրին 2 սեպտեմբերի 2020 - 19:09 AMT PanARMENIAN.Net - Միացյալ Նահանգները չի մասնակցի կորոնավիրուսի պատվաստանյութ մշակելու և տարածելու միջազգային համատեղ ջանքերին, քանի որ դրա նախաձեռնողն Առողջապահության համաշխարհային կազմակերպությունն է, որի հետ հարաբերությունները երկիրը խզել է։ Որոշումն ԱՄՆ-ին կմեկուսացնի ավելի քան 170 երկրից, որոնք մասնակցում են COVAX նախաձեռնությանը՝ ուղղված աշխարհում կորոնավիրուսի դեմ պատվաստանյութի հասանելիությունն ապահովելուն։ Սպիտակ տան ներկայացուցիչը հայտնել է, որ ԱՄՆ-ն կշարունակի ներգրավել միջազգային գործընկերներին վիրուսի դեմ պայքարում, բայց չի աջակցելու Չինաստանի և «կոռումպացված ԱՀԿ-ի» ազդեցության տակ գտնվող ծրագրերին։ 2020-ի մայիսին Թրամփը հայտարարել էր, որ Վաշինգտոնն ԱՀԿ-ին 30 օր է տալիս բարեփոխումներ իրականացնելու համար, այլապես ամբողջությամբ կդադարեցնի կազմակերպության ֆինանսավորումը։ Ավելի ուշ նա հայտնել էր, որ ԱՀԿ-ն հրաժարվել է բարեփոխումներից, և ԱՄՆ-ն դադարեցնում է հարաբերությունները կազմակերպության հետ։ Թրամփն ԱՀԿ-ին մեղադրում է կորոնավիրուսին ժամանակին պատշաճ չարձագանքելու, վիրուսի տարածման մասին Չինաստանի տվյալները կոծկելու և Պեկինից կախվածություն ունենալու մեջ։ Ավելի ուշ Միացյալ Նահանգների նախագահ Դոնալդ Թրամփի ադմինիստրացիան Առողջապահության համաշխարհային կազմակերպության հետ կապերը խզելու մասին ծանուցումն ուղարկել է ՄԱԿ-ի գլխավոր քարտուղարին։ Այդ գործընթացը տևում է մոտ մեկ տարի, այնպես որ այն ուժի մեջ կմտնի ոչ վաղ, քան 2021-ի հուլիսին։   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
