Առողջապահության նախկին փոխնախարարը կալանավորվել է․ 78 մլն դրամի յուրացման գործով 12 մեղադրյալ կա 8 սեպտեմբերի 2020 - 13:49 AMT PanARMENIAN.Net - Առողջապահության նախկին փոխնախարար Վահան Պողոսյանը կալանավորվել է որպես մեղադրյալ 78 մլն դրամի յուրացման գործով, հայտում են ՀՀ գլխավոր դատախազությունից։ 2019-ի մարտին Պողոսյանի դեմ հարուցվել էր քրեական գործ «Տուբերկուլոզի դեմ պայքարի ազգային կենտրոն» ՊՈԱԿ-ում մի շարք չարաշահումների դեպքով։ Այդ ժամանակ Պողոսյանն ազատ էր արձակվել գրավի դիմաց` 5 մլն դրամի չափով։ Նշված քրգործով նախաքննության տարբեր փուլերում մեղադրանք է առաջադրվել 12 անձի, այդ թվում՝ «Տուբերկուլոզի դեմ պայքարի ազգային կենտրոն» ՊՈԱԿ–ի այն ժամանակվա տնօրեն Արմեն Հայրապետյանին, որն ազատ է արձակվել գրավի դիմաց։ 2020-ի օգոստոսի Պողոսյանի մեղադրանքը լրացվել է ևս մի քանի հոդվածով` 2015-2016–ի ընթացքում ՀՀ քրեական օրենսգրքի 38-179-րդ հոդվածի 3-րդ մասի 1-ին կետով 2 դրվագով (հանցակից` պաշտոնեական դիրքն օգտագործելով, առանձնապես խոշոր չափերով, կազմակերպված խմբի կողմից յուրացնելը) և ՀՀ քրեական օրենսգրքի 311-րդ հոդվածի 4-րդ մասի 2-րդ կետով (կաշառք ստանալը` ակնհայտ ապօրինի գործողության կամ անգործության համար, առանձնապես խոշոր չափերով)։ Ըստ մեղադրանքի՝ Պողոսյանը յուրացրել է արտասահմանյան դրամաշնորհային մի շարք ծրագրերի գումարներ, որոնք ուղղված են եղել Հայաստանում բժշկական օգնության և սպասարկման կազմակերպման, տուբերկուլոզի և ՄԻԱՎ/ՁԻԱՀ-ի կանխարգելմանը։ Ընդհանուր առմամբ յուրացվել է մոտ 78 մլն դրամ, որից 58 մլն-ը գրպանել է Պողոսյանը, իսկ 20 մլն-ը «Տուբերկուլոզի դեմ պայքարի ազգային կենտրոն» ՊՈԱԿ–ի տնօրեն Արմեն Հայրապետյանը։ Այս ամենի դիմաց Պողոսյանը Հայրապետյանից որպես կաշառք պահանջել է 17 մլն դրամ արժեցող ավտոմեքենա, յուրաքանչյուր ամիս էլ որպես կաշառք ստացել է 100 լիտր բենզինի վառելիքի կտրոններ: Բացի այդ, Պողոսյանը կազմակերպել է կենտրոնում երկու ձևական աշխատակցի գրանցում և գրպանել նրանց աշխատավարձերը` ընդհանուր 8 մլն դրամի։ Վահան Պողոսյանն առողջապահության փոխնախարար է նշանակվել 2011-ին, պաշտոնավարել է մինչև 2016-ն ու ազատվել իր դիմումի համաձայն։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին |