Իսպանիան՝ լինելով ԵՄ 1-ին երկիրը Covid-19-ով վարակվածների թվով, բացել է դպրոցները

Իսպանիան՝ լինելով ԵՄ 1-ին երկիրը Covid-19-ով վարակվածների թվով, բացել է դպրոցները

PanARMENIAN.Net - Իսպանիան Արևմտյան Եվրոպայի առաջին երկիրն է, որտեղ կորոնավիրուսի դեպքերն անցել են 500,000-ից։ Al Jazeera-ի փոխանցմամբ՝ Իսպանիայում կորոնավիրուսի երկրորդ ալիքը համընկել է դպրոցների վերաբացման հետ:

Դպրոցներն Իսպանիայում փակվել էին կորոնավիրուսի պատճառով դեռ գարնանը, վերաբացելու որոշումը կայացվել է օգոստոսի վերջին։ Դիմակ կրելը պարտադիր կլինի 6 տարեկանից մեծերի համար, իսկ ձեռքերը լվանալը՝ օրը 5 անգամ։

Իսպանիան վարակվածների թվով 9-րդ է աշխարհում ԱՄՆ-ից, Հնդկաստանից, Բրազիլիայից, Ռուսաստանից, Պեռուից, Կոլումբիայից, Հարավային Աֆրիկայից և Մեքսիկայից հետո։

Սեպտեմբերի 8-ի դրությամբ Իսպանիայում վարակվել է 525,549 մարդ, առողջացել՝ ավելի քան 150,300-ը, մահացել՝ 29,500-ը։ Իսկ աշխարհում վարակվածների թիվն անցել է 27․3 մլն-ից, առողջացածներինը՝ 18․3 մլն-ից, մահացածներինը՝ 892,000-ից։

Photo: AFP
 Ուշագրավ
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
Բիստը նշել է, որ երկու շաբաթ առաջ նոր համաձայնագիր է կնքվել
---