Ազգային արխիվի տնօրենն ազատվել է աշխատանքից. Նա դատարան կդիմի

Ազգային արխիվի տնօրենն ազատվել է աշխատանքից. Նա դատարան կդիմի

PanARMENIAN.Net - «Հայաստանի Ազգային արխիվ» ՊՈԱԿ-ի տնօրեն Ամատունի Վիրաբյանը արդարադատության նախարարի հրամանով ազատվել է աշխատանքից։ Այդ մասին ֆեյսբուքյան իր էջում տեղեկացրել է ԱՆ մամուլի խոսնակ Լուսինե Մարտիրոսյանը։

«Արդարադատության նախարարությունը ստացված մի շարք դիմում-բողոքների հիմքով ուսումնասիրություն էր սկսել՝ ՊՈԱԿ-ի գործունեության օրինականությունը ստուգելու նպատակով և դրա շրջանակում հարցում կատարել Պետական եկամուտների կոմիտե՝ ՊՈԱԿ-ում իրականացված հարկային ստուգումների վերաբերյալ տեղեկություն ստանալու համար։Ստացված տեղեկության համաձայն, Վիրաբյանը հաշվապահական հաշվառումը վարել է այնպիսի խախտումներով, որոնք առաջացրել են հարկի նվազեցում, որի արդյունքում հարկային պարտավորությունները ժամանակին չեն կատարվել»,- ասվում է գրառման մեջ։

ՀՀ արդարադատության նախարարի հրամանով Վիրաբյանի լիազորությունները դադարեցվել են, լուծվել է նրա հետ 2015-ի նոյեմբերի 27-ին կնքված աշխատանքային պայմանագիրը։

Ամատունի Վիրաբյանը հայտարարել է, որ որոշումը բողոքարկելու է դատարանում։

«Ազատել են հարկեր չվճարելու համար: Այն հարկերը, որոնք բոլոր ՊՈԱԿ-ները չեն վճարել, հետո կառավարությունը պահուստային ֆոնդից վճարել է։ Դա հիմք չէր, այդ դեպքում բոլոր ՊՈԱԿ-ների տնօրեններին պետք է ազատեն աշխատանքից»,- ասել է նա, գրում է Aysor.am-ը։

«Ամբողջ խնդիրն այն է, որ պայմանագրի ավարտին մնում էր երկու ամիս, ես խնդրեցի, որ սպասեն մինչև լրանա, բայց իրենք շտապում են, ինչու՝ չգիտեմ», - ասել է Վիրաբյանը։

 Ուշագրավ
Ազատման պատճառներից են քաղաքացիների հանդեպ ոչ պատշաճ վերաբերմունքը
Սոչի-Երևան չվերթի ինքնաթիռն ուղևորվել է Թբիլիսիի օդանավակայան
Ավինյանը հանձնարարել է նիստից հետո քննարկում անցկացնել և իրեն զեկուցել
---