Եգիպտոսում 2500-ամյա կնքված 13 սարկոֆագ է հայտնաբերվել

Եգիպտոսում 2500-ամյա կնքված 13 սարկոֆագ է հայտնաբերվել

PanARMENIAN.Net - Եգիպտոսում Սաքքարայի գերեզմանատանը 11 մ գետնի տակ, միմյանց վրա շարված 2500-ամյա փայտե 13 սարկոֆագ է հայտնաբերվել: Դրանք այնքան լավ են պահպանվել, որ որոշ դեպքերում չեն վնասվել անգամ ներկանյութերը: National Geographic-ի փոխանցմամբ՝ հնէաբանները վստահ են, որ դագաղները կնքվել են թաղման պահին:

Ենթադրվում է, որ Սաքքարան ծառայել է գերեզմանաքաղաք Եգիպտոսի երբեմնի մայրաքաղաք Մեմֆիսի համար։ Երեք հազարամյակ եգիպտացիներն այստեղ են թաղել իրենց մահացածներին, դրա համար Սաքքարան հնագիտական ​​մեծ հետաքրքրություն է ներկայացնում:

Սաքքարայում ազնվականներին թաղել են շքեղ դամբարաններում: Նման գերեզմաններ ավելի հեշտ է գտնել, և դրանք պարբերաբար թալանվել են։ Այնուամենայնիվ, վերջին պեղումների արդյունքում պարզվել է, որ հայտնաբերվել են նաև միջին կամ աշխատավոր խավի մեռյալներ:

Ներկայումս ուսումնասիրվում է՝ ովքեր են դագաղում, և ինչ կարգավիճակ են ունեցել այդ անձինք: Սա կարող է ավելի ընդլայնել աշխարհի պատկերացումները հին եգիպտական ​​սովորույթների վերաբերյալ:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին