Վրաստանում Covid-19-ի ռեկորդային աճը պահպանվում է․ 87 նոր դեպք կա

Վրաստանում Covid-19-ի ռեկորդային աճը պահպանվում է․ 87 նոր դեպք կա

PanARMENIAN.Net - Վրաստանում Covid-19-ի ռեկորդային աճը պահպանվում է․ սեպտեմբերի 11-ի դրությամբ 87 նոր դեպք կա։ Սա օրական աճի ամենամեծ ցուցանիշն է համավարակի բռնկումից ի վեր։

Վրաստանում, ընդհանուր առմամբ, կորոնավիրուսով 1917 վարակակիր է գրանցվել, որից 1354-ն ապաքինվել է, 19 մարդ մահացել է։

Երկրում համաճարակային իրավիճակի վատթարացման պատճառով 2 գյուղ է փակվել Ծաղերի շրջանում՝ Օրբելի և Լաջանա գյուղերը, գրում է Sputnik Georgia-ն։

Սեպտեմբերի 10-ին այդ գյուղերում վարակի 7 նոր դեպք է գրանցվել։

Սեպտեմբերի 10-ին Վրաստանի վարչապետ Գեորգի Գախարիան հայտարարել է, որ Վրաստանում սկսվում է կորոնավիրուսի համավարակի երկրորդ ալիքը, սակայն խուճապի պատճառներ չկան։

Վրաստանում կորոնավիրուսի համաճարակային իրավիճակի վատթարացման կապակցությամբ մի շարք սահմանափակումներ են գործելու՝ սեպտեմբերի 10-ից արգելվում են հարսանիքները, հանդիսությունները, ծիսական զանգվածային միջոցառումները։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին