Սեպտեմբերի 12-ի դրությամբ Արցախում կորոնավիրուսի 5 նոր դեպք է հաստատվել, հայտնում են ԱՀ առողջապահության նախարարությունից։
Ասկերանի շրջանի Սարուշեն համայնքի և Ստեփանակերտի բնակիչների մոտ վիրուսը հաստատվել է բուժհաստատություն դիմելու ժամանակ իրականացված հետազոտության արդյունքում:
Վարակի օջախը հայտնաբերելու և հիվանդների շփման շրջանակը պարզելու ուղղությամբ կատարվում են համապատասխան աշխատանքներ:
Մյուս 3 վարակակիրը Ստեփանակերտից են՝ նախկինում հաստատված օջախի կոնտակտավորներ, և գտնվում էին մեկուսացման մեջ:
Արցախում առողջացել է նաև ևս 4 քաղաքացի, փաստացի բուժվում է 44 պացիենտ, ընդհանուր մեկուսացված է 77 քաղաքացի:
Ընդհանուր առմամբ ԱՀ-ում վիրուսը հաստատվել է 333 մարդու մոտ, որից 287-ը բուժվել է։
Մինչև սեպտեմբերի 12-ն իրականացվել է 12,756 փորձանմուշի հետազոտություն:
