Մեծահասակների քիմիաթերապիայի կլինիկայի անձնակազմն ազատման դիմում է գրում17 սեպտեմբերի 2020 - 16:35 AMT PanARMENIAN.Net - Մեծահասակների քիմիաթերապիայի կլինիկայի ամբողջ անձնակազմն աշխատանքից ազատման դիմում է գրում։ Այդ մասին ֆեյսբուքյան իր էջում տեղեկացրել է կլինիկայի ղեկավար Դավիթ Զոհրաբյանը: Նշվում է, որ հոկտեմբերի 1-ից դադարեցվում է կլինիկական գործունեությունը։ «Հաշվի առնելով առողջապահության նախարարության անընդունելի, անտրամաբանական, հիասթափեցնող, անարդարացի, չհիմնավորված որոշումը (կապված ԱՆ պրոֆ․ Ռ․ Յոլյանի անվան Արյունաբանության Կենտրոնի տնօրեն Սամվել Դանելյանի աշխատանքային պայմանագիրը չշարունակելու որոշման հետ) ՝ Մեծահասակների քիմիաթերապիայի կլինիկայի անձնակազմը նույնպես միանում է բողոքին»,- ասվում է գրառման մեջ։ Հայտարարությունը ստորագրել են կլինիկայի ղեկավար Դավիթ Զոհրաբյանը և անձնակազմի մյուս անդամները։ Սեպտեմբերի 16-ին հայտնի դարձավ, որ Յոլյանի անվան արյունաբանական կենտրոնի 41 բժիշկ պատրաստվում է հոկտեմբերի 1-ից ազատվել աշխատանքից, նրանք բաց նամակով դիմել են վարչապետ Նիկոլ Փաշինյանին` խնդրելով վերանայել առողջապահության նախարարության որոշումը տնօրեն Սամվել Դանիելյանի հետ պայամանգիրը դադարեցնելու մասով։ Սեպտեմբերի 15-ին Հայաստանի մանկական քաղցկեղի և արյան հիվանդությունների կենտրոնի տնօրեն Գևորգ Թամամյանն ազատման դիմում էր ներկայացրել ու հայտնել, որ պատճառն ԱՆ որոշումն է` հոկտեմբերի 1-ից լուծել բժիշկ Սամվել Դանիելյանի պայմանագիրը։ ԱՆ-ից նշում են, որ պայմանագիրի լուծման պատճառը Դանիելյանի տարիքն է․ ըստ օրենքի՝ ԲԿ ղեկավարը 65-ն անց լինել չի կարող։ Դանիելյանն այդ պաշտոնում նշանակվել է 2018-ին՝ փոխարինելով Սմբատ Դաղբաշյանին, ով կենտրոնը ղեկավարել է 2001-ից։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |