Անկախության օրը՝ վիրտուալ․ Անսպասելի վայրերում համերգներից մինչև տոնական ֆլեշմոբ18 սեպտեմբերի 2020 - 18:28 AMT PanARMENIAN.Net - Սեպտեմբերի 21-ին ընդառաջ ՀՀ անկախության օր ֆեյսբուքյան էջում հրապարակվել է տոնական օրվա վիրտուալ միջոցառումների ցանկը՝ տոնական համերգներից մինչև հայրենաճանաչմանը նվիրված տեսահոլովակներ։ Առաջին ալիքի եթերն այդ օրն առավոտյան 10:30-ից լցվելու է տոնական խորագրերով, Անկախության օրվան նվիրված եթերը տևելու է 7 ժամ։ 11 տարբեր համերգ է սպասվում` նկարահանված Հայաստանի ամենաանսպասելի վայրերում․ հեռուստադիտողը, օրինակ, հնարավորություն կունենա լսելու թավջութակահար Նարեկ Հախնազարյանի ելույթը՝ Աժդահակի գագաթից, Նորայր Քարտաշյանին ու «Մենուային»՝ Երերույքի տաճարից, Հայկ Մելիքյանին՝ Սարդարապատից։
Անկախության տոնին հնարավոր կլինի հետևել նաև Ֆիլհարմոնիկ նվագախմբի, «Բամբիռին», Արամ MP3-ի, «Գեղարդ» երգեցիկ խմբի, Իվետա Մուկուչյանի, Գյուրջիև համույթի կատարումներին։ Եթերում կլինեն երիտասարդ դերասաններ, որոնք Վանաձորից կբեմականացնեն անկախության տարիներին գրված տողերը, իսկ աշխարհի տարբեր անկյուններում ապրող հայտնի հայերը կմիանան սպասված գալա համերգին՝ հայկական ստեղծագործություններ կատարելով: Տոնական եթերին իրենց ողջյուններն են փոխանցելու նաև սահմանը պահող մեր տղերքը։
«Մեր հողերը» խորագրի շրջանակում թռչնի թռիչքի բարձրությունից կներկայացվի հայկական ճարտարապետության, մշակույթի ու բնության գեղեցկությունը: Տոնական օրվան ընդառաջ՝ առաջարկվում է նաև միանալ «Մեր հայրենիք» ֆեյսբուքյան արշավին։ Օգտատերերին առաջարկվում է իրենց ձեռագրով գրել անկախության 29-ամյակի խորագիրը՝ «Մեր Հայրենիք» Հայաստանի բնությունը պատկերող՝ սեփական լուսանկարների վրա, ու հրապարակել դրանք #ՄեյՀայրենիք հեշթեգով։
ՀՀ անկախությունը օրը նշվում է սեպտեմբերի 21-ին. 1991 թվականի հենց այդ օրը հայ ժողովուրդն անկախության հանրաքվեի ժամանակ կողմ քվեարկեց ԽՍՀՄ կազմից դուրս գալուն: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելուն Եվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել |