Եվրոպական եռյակը մերժել է Իրանի դեմ պատժամիջոցները վերականգնելու ԱՄՆ առաջարկը

Եվրոպական եռյակը մերժել է Իրանի դեմ պատժամիջոցները վերականգնելու ԱՄՆ առաջարկը

PanARMENIAN.Net - Գերմանիան, Ֆրանսիան և Մեծ Բրիտանիան իրավաչափ չեն համարում Իրանի դեմ ՄԱԿ պատժամիջոցների վերականգնման վերաբերյալ ԱՄՆ առաջարկը։ Այդ մասին ասվում է «եվրոպական եռյակի» ՄԱԿ Անվտանգության խորհրդին հասցեագրված նամակում, գրում է Deutsche Welle-ն։

Վաշինգտոնը մտադիր էր ակտիվացնել Թեհրանի դեմ ՄԱԿ տուգանային միջոցների վերականգնման մեխանիզմը, սակայն ԱԽ անդամների մեծ մասը կողմ է եվրոպական եռյակի դիրքորոշմանը։

Պատժամիջոցների վերականգնման մեխանիզմը վերապահված է ՄԱԿ ԱԽ 2231 բանաձևով, որով վավերացվել է 2015-ին համաձայնեցված Իրանի հետ միջուկային գործարքը։ Ըստ այդ կետի՝ եթե համաձայնագրի պայմանները չկատարվեն, մասնակիցներից յուրաքանչյուրը կարող է պահանջել պատժամիջոցների վերականգնում, իսկ մյուս կողմերը չեն կարող վետո դնել որոշման վրա։ ԱՄՆ-ն, սակայն, դեռևս 2018-ին է հայտարարել Իրանի միջուկային ծրագրի վերաբերյալ համաձայնագրից դուրս գալու մասին։ Ուստի, Մեծ Բրիտանիան, Գերմանիան և Ֆրանսիան կարծում են, որ ԱՄՆ-ն այևս գործարքի մասնակից չի համարվում և չի կարող պահանջել, որ Թեհրանի դեմ պատժամիջոցները վերականգնվեն։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին