ՄԱԿ ներկայացուցիչը՝ ՀՀ-ում կրթական փոփոխությունների մասին․ Պատրաստ ենք ֆինանսավորում գտնել և աջակցել անհրաժեշտ ուղղություններով

ՄԱԿ ներկայացուցիչը՝ ՀՀ-ում կրթական փոփոխությունների մասին․ Պատրաստ ենք ֆինանսավորում գտնել և աջակցել անհրաժեշտ ուղղություններով

PanARMENIAN.Net - Հայաստանում ՄԱԿ-ի մանկական հիմնադրամի նորանշանակ ներկայացուցիչ Մարիեն Քլարկ Հաթինգը հայտարարել է, որ իրենք պատրաստ են ֆինանսավորում գտնել և աջակցել ՀՀ-ում կրթական ոլորտի փոփոխություններին՝ անհրաժեշտ ուղղություններով:

Հայաստանի կրթության, գիտության, մշակույթի և սպորտի նախարար Արայիկ Հարությունյանի հետ Հաթինգի գլխավորած պատվիրակությունը քննարկել է կրթությանն առնչվող մի շարք հարցերի։

Նախարարը հայտնել է, որ ՀՀ-ում բարեփոխումների առանցքում երեխաների իրավունքների պաշտպանությունն է, մասնավորապես, կրթության իրավունքի իրացումը: Ըստ Հարությունյանի՝ իրենք ՅՈՒՆԻՍԵՖ-ի հետ նույն ալիքի վրա են և գործակցությունը շարունակելու ցանկություն կա։

Հաթինգի խոսքով՝ պատրաստ են աջակցել, որ հեռավար կրթությունից դուրս մնացած երեխաները նույնպես ակտիվ ներգրավված լինեն գործընթացին:

Հարությունյանը տեղեկացրել է, որ անցած ամիսներին մոտ 4000 սարքավորում է տրամադրվել դրա կարիքն ունեցող սովորողների, բացի այդ, հեռավար դասերը բաց թողած աշակերտներին հնարավորություն է տրվել մասնակցելու դասընթացների:

ՀՀ-ում կրթական ոլորտում փոփոխությունների թեման պարբերաբար թեժ քննարկումների առիթ է դառնում։ ԿԳՄՍՆ ընդդիմախոսների կարծիքով՝ նախարարությունն ազգային ինքնությանն առնչվող առարկաների դասաժամերը կրճատում է կամ դրանք առհասարակ հանում ծրագրից։ Նախարարությունից նշում են, որ իրենք բարեփոխումների ճանապարհով են գնում, իսկ հայագիտական ոչ մի առարկա կիսատ չի դասավանդվում։

 Ուշագրավ
ԲՀԿ-ական Մանրիկյանը առաջարկել է հետագայում հատկացումներ անել նաև ՀՈԱԿ-ների բյուջեների հաշվին
Նա ասել է նաև, որ յուրաքանչյուրն ամեն օր պետք է զգա, որ կառավարություն իր կողքին է
Նրա վիճակը ծայրահեղ ծանր է, վարակված է կորոնավիրուսով