Charlie Hebdo-ի խմբագրության նախկին շենքի մոտ ահաբեկչություն է եղել

Charlie Hebdo-ի խմբագրության նախկին շենքի մոտ ահաբեկչություն է եղել

PanARMENIAN.Net - Ֆրանսիական Charlie Hebdo երգիծական ամսագրի խմբագրության նախկին շենքի մոտակայքում 4 անցորդ է դանակահարվել: Իրավապահները հանցագործությունը քննում են որպես ահաբեկչություն։ Ավելի վաղ ամսագիրը վերահրապարակել էր Մուհամմադ մարգարեի ծաղրանկարները, որոնք պատճառ էին դարձել 2015 թվականի ահաբեկչությանը։

La Parisien-ի փոխանցմամբ՝ թաղամասը, որտեղ պատահել է դեպքը, շրջափակված է ոստիկանների կողմից։ Նախնական տեղեկություններով՝ մինչև 4 մարդ է վիրավորվել։ Հանցագործները փախել են, ոստիկանները հայտնաբերել են 2 կասկածյալի։

Բնակիչներին խորհուրդ է տրվել չլքել իրենց տները։ Ոստիկանները փորձում են պարզել հանցագործության կապն ամսագրի հետ։

2015-ի հունվարի 7-ին ահաբեկիչները հարձակվել էին Charlie Hebdo-ի փարիզյան խմբագրության վրա: 12 մարդ էր զոհվել, իսլամիստների գրոհը վրեժ էր Մուհամմադ մարգարեի ծաղրանկարի համար:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին