ԱԺ նախագահ Արարատ Միրզոյանը ևս մեկ անգամ վերահաստատել է, որ Արցախի ազատ ինքնորոշման իրավունքը որևէ պարագայում, անգամ՝ ուժի սպառնալիքի դեպքում, չի կարող սակարկման առարկա լինել:

Նա նշել է, որ Հայաստանի քաղաքացիները և ամբողջ հայությունը կանգնած են ազատ Արցախի թիկունքին և պատրաստ իրականացնել բոլոր անհրաժեշտ գործողությունները՝ ի պաշտպանություն ինքնիշխան Արցախի։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հայկական կողմը խոցել է հակառակորդի 2 ուղղաթիռ, 3 տանկ, 15 անօդաչու թռչող սարք, որոնցից 1-ը՝ Տավուշում։ Արցախում զոհեր և վիրավորներ կան քաղաքացիականների և զինվորականների շրջանում։ Արցախում և Հայաստանում հայտարարվել է ռազմական դրություն և զորահավաք։