ԵԽ-ն կոչ է անում կասեցնել բախումները Լեռնային Ղարաբաղում27 սեպտեմբերի 2020 - 16:32 AMT PanARMENIAN.Net - Եվրախորհրդի գլխավոր քարտուղար Մարիա Պեյչինովիչ-Բուրիչը կոչ է արել դադարեցնել բախումները Լեռնային Ղարաբաղում։ «Ես խորապես մտահոգված եմ ռազմական սրման մասին հաղորդագրություններով։ Կոչ եմ անում ՀՀ-ին և Ադրբեջանին պատասխանատվություն դրսևորել և զսպվածություն՝ անհապաղ դադարեցնելով բախումները»,- հայտարարել է նա։ Նա ասել է, որ երբ Հայաստանն ու Ադրբեջանն անդամակցում էին Եվրոպայի խորհրդին, նրանք պատրաստակամություն էին հայտնում լուծելու հակամարտությունը խաղաղ ճանապարհով, և պետք է հավատարիմ մնան այս դիրքորոշմանը, հայտնում է Sputnik Արմենիան։ «Այս բարդ շրջանում ես մտածում եմ երեխաների, կանանց և տարեցների մասին, որոնք կրկին չափազանց խոցելի վիճակում են հայտնվել»,-ասել է նա։ Եվրոպայի խորհրդի անունից նա կոչ է արել երկու պետության իշխանություններին անել հնարավորը՝ պաշտպանելու համար մարդկանց կյանքերն ու չմտնելու ռազմական հակամարտության մեջ։ «Պետք է ջանք չխնայել՝ կասեցնելու համար սրումը։ Մենք սատարում ենք ԵԱՀԿ Մինսկի խմբի համանախագահներին, որոնք հորդորում են հակամարտության խաղաղ հանգուցալուծում գտնել»,-ասել է նա։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հայկական կողմը խոցել է հակառակորդի երկու ուղղաթիռ, 3 տանկ, 4 անօդաչու թռչող սարք, որոնցից 1-ը՝ Տավուշում։ Արցախում երկու քաղաքացիական է զոհվել՝ 1 կին և 1 երեխա, կա 2 քաղաքացիական վիրավոր։ ՊԲ հրամանատար, գեներալ-մայոր Ջալալ Հարությունյանը հայտնել է, որ սեպտեմբերի 27-ի առավոտյան ադրբեջանական բանակը հրթիռահրետանային նախապատրաստությունից ու ԱԹՍ հարվածներից հետո հարձակման է անցել շփման գծի ամբողջ երկարությամբ: Այս պահին ՊԲ ստորաբաժանումները, հակառակորդին մեծաթիվ կորուստներ պատճառելով, հաջողությամբ խափանում են նրա ծրագրերը: Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Ապրիլի 1–ից առցանց անմաքս առևտրի շեմը 200,000 դրամից կդառնա 200 եվրո Սահմանվել է 200 եվրո (մոտ 84,000 դրամ) և 31 կգ արտոնության շեմը Ծանրամարտի 2027-ի աշխարհի առաջնությունը կանցկացվի Երևանում Սա աշխարհի առաջին առաջնությունն է օլիմպիական մարզաձևից, որը կանցկացվի Հայաստանում Խուզարկվում են ԱԺԲ գրասենյակներն ու անդամների տները մոտ 40 հասցեում Խուզարկել են Ժիրայր Սեֆիլյանի, Արա Պապյանի և այլոց տները Ստեփանյան․ Արցախից բռնի տեղահանվածներից մոտ 11,000–ն արտագաղթել է ՀՀ-ից Ըստ նրա, կան նաև այլ տվյալներ՝ 15,000 արտագաղթածի մասին |