Արցախի նախագահ․ Թուրքական F16 կործանիչներն են օգտագործվում

Արցախի նախագահ․ Թուրքական F16 կործանիչներն են օգտագործվում

PanARMENIAN.Net - Արցախի հետ կռվում է ոչ թե Ադրբեջանը, այլ Թուրքիան, այդ երկրից ոչ միայն անօդաչու սարքեր ու ինքնաթիռներ կա, այլև զորամիավորումներ և զինվորականներ, հայտարարել է Արցախի նախագահ Արայիկ Հարությունյանը՝ հավելելով, որ ադրբեջանական կողմում վարձկաններ ու այլ երկրներից կամավորականներ էլ կան։

Ըստ Արցախի ղեկավարի՝ զորավարժությունների պատրվակով Ադրբեջանում գտնվող թուրքական F16 կործանիչներն օգտագործվում են սեպտեմբերի 27-ի առավոտից սկսած։

«Արցախը կռվում է՝ օգտագործելով միայն Պաշտպանության բանակի ուժերը, իհարկե կլինեն կամավորներ միայն ՀՀ-ից»,-հայտարարելէ նա՝ հավելելով, որ ՊԲ-ն կատարում է իր առջև դրված խնդիրը։

Հարությունյանի խոսքով՝ հակառակորդը տասնյակներով զինտեխնիկա է կորցրել, ըստ որոշ տեղեկությունների՝ դրանց թվում են նաև թուրքական ինքնաթիռն ու ԱԹՍ-ները։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Նախնական տվյալներով՝ Արցախի ՊԲ-ում կա 16 զոհ, հարյուրից ավելի վիրավոր: Ճշտված տեղեկություններով՝ ադրբեջանական կողմն ունի մոտ 200 մարդկային կորուստ, կորցրել են նաև մոտ 30 զրահատեխնիկա և 20 ԱԹՍ։

 Ուշագրավ
«Կանգնած ենք սարի պես, մինչև վերջ կանգնելու ենք»,- ասել է նա
Ըստ քաղխորհրդի՝ Արցախի միջազգային ճանաչումը և բնակչության ինքնորոշումը հակամարտության միակ մշտական լուծումն են
Ցույցի մասնակիցները պատրաստվում են շարժվել Եվրապարլամենտ
ՄԻԵԴ-ը բացառել է ադրբեջանցի սպա Ռամիլ Սաֆարովի գործով վճռի վերանայման հնարավորությունը