«Ցրվենա Զվեզդան» առաջարկել է «Արարատ-Արմենիայի» հետ հանդիպումն անցկացնել իր մոտ կամ չեզոք դաշտում28 սեպտեմբերի 2020 - 17:11 AMT PanARMENIAN.Net - «Ցրվենա Զվեզդա»ֆուտբոլային ակումբը դիմել է Եվրոպայի ֆուտբոլային միությանը՝ առաջարկելով հոկտեմբերի 1-ին Երևանում նախատեսված «Արարատ-Արմենիայի» հետ Եվրոպայի լիգայի հանդիպումն անցկացնել իր մոտ կամ չեզոք խաղադաշտում, մասնավորապես՝ Վրաստանում։ Թե ինչպիսի որոշում կկայացնի ՈւԵՖԱ-ն՝ պարզ կդառնա սեպտեմբերի 29-ին, տեղեկացնում է «Ա1+»-ը։ Ակումբը մտահոգված է հանդիպման անվտանգության համար՝ հաշվի առնելով այն, որ սեպտեմբերի 27-ին Լեռնային Ղարաբաղի և Ադրբեջանի սահմանների ամբողջ երկայնքով սկսվել են ռազմական գործողություններ։ Սերբական կողմին այդպես մտածելու տեղիք է տվել նաև այն հանգամանքը, որ Հայաստանի ֆուտբոլի ֆեդերացիան հետաձգել է առաջնության բոլոր խաղերը։ Սերբական ԶԼՄ-ները նաև զրուցել են Հայաստանում հանդես եկող սերբ ֆուտբոլիստների հետ և հետաքրքրվել Երևանում տիրող իրավիճակի մասին։ «Արարատի» սերբ դարպասապահ Իգոր Ստանոևիչն ասել է, որ ամեն ինչ նորմալ է և խաղը տեղափոխելու կամ հետաձգելու ոչ մի լուրջ հիմք չկա։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Արցախի ՊԲ-ում սեպտեմբերի 28-ի առավոտվա դրությամբ 31 զոհ կա։ Առաջին օրվա ճշտված տեղեկություններով՝ ադրբեջանական կողմն ունի մոտ 200 մարդկային կորուստ, կորցրել են նաև մոտ 30 զրահատեխնիկա և 20 ԱԹՍ։ Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |