ՌԴ պատգամավոր․ ԼՂ հարցով Էրդողանի հայտարարությունները միայն յուղ են լցնում կրակի վրա

ՌԴ պատգամավոր․ ԼՂ հարցով Էրդողանի հայտարարությունները միայն յուղ են լցնում կրակի վրա

PanARMENIAN.Net - Թուրքիայի նախագահ Ռեջեփ Թայիփ Էրդողանի հայտարարությունը, թե ժամանակն է վերջ տալու Հայաստանի կողմից «ադրբեջանական տարածքների օկուպացիային», արդեն իսկ բարդ իրավիճակում միայն յուղ է լցնում կրակի վրա: Այս մասին, ՌԻԱ Նովոստիի փոխանցմամբ, ասել է Ռուսաստանի Պետդումայի միջազգային հարաբերությունների հանձնաժողովի անդամ Ելենա Պանինան:

Ավելի վաղ Էրդողանն ասել էր, որ եկել է ժամանակը «վերջ տալու Հայաստանի կողմից ադրբեջանական հողերի օկուպացմանը»:

Ըստ պատգամավորի՝ նման հայտարարությունները վտանգավոր են, փոխանակ արյունահեղությունները դադարեցնելու փորձ անելու, միայն յուղ են լցնում կրակի վրա՝ կողմերին դրդելով չմտածված գործողությունների։

«Էրդողանը փորձում է ամրապնդել իր «ուժային» իմիջը, բայց չի կարող չհասկանալ, որ Հայաստանի և Ադրբեջանի միջև նոր պատերազմը ձեռնտու չէ որևէ մեկին, այդ թվում՝ Թուրքիային: Արդյո՞ք Էրդողանի համար բավական չի Սիրիայից փախստականների հոսքը, որի հիմնական մեղավորներից է», - ասել է Պանինան։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Արցախի զինված ուժերում 58 զոհ կա։

 Ուշագրավ
«Կանգնած ենք սարի պես, մինչև վերջ կանգնելու ենք»,- ասել է նա
Ըստ քաղխորհրդի՝ Արցախի միջազգային ճանաչումը և բնակչության ինքնորոշումը հակամարտության միակ մշտական լուծումն են
Ցույցի մասնակիցները պատրաստվում են շարժվել Եվրապարլամենտ
ՄԻԵԴ-ը բացառել է ադրբեջանցի սպա Ռամիլ Սաֆարովի գործով վճռի վերանայման հնարավորությունը