Հարձակման սկզբից Ադրբեջանը 122 մմ-անոց արկ է արձակել Ստեփանակերտի բնակատեղիի վրա

Հարձակման սկզբից Ադրբեջանը 122 մմ-անոց արկ է արձակել Ստեփանակերտի բնակատեղիի վրա

PanARMENIAN.Net - Արցախի դեմ լայնամասշտաբ հարձակման առաջին րոպեներին Ադրբեջանը «Գրադ» 122 մմ-անոց արկ է արձակել Ստեփանակերտի բնակելի թաղամասի վրա՝ անմիջպես մանկապարտեզի և դպրոցի հարևանությամբ:

Հայկական միասնական տեղեկատվական կենտրոնը լուսանկարներ է հրապարակել։

Ռուսական կամ սովետական արտադրության «Գրադերի» հեռահարությունն այնքան չէ, որ արկերը շփման գծից հասնեն մայրաքաղաք, սակայն ադրբեջանցիներն ունեն նաև իսրայելական lynx ու թուրքական T-122 համակարգեր` նույն 122 մմ տրամաչափի, ավելի մեծ հեռահարությամբ։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Արցախի զինված ուժերում 84 զոհ կա: ՊՆ ներկայացուցիչ Արծրուն Հովհաննիսյանի խոսքով՝ Ադրբեջանի կորուստներն անհամեմատ շատ են։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---