Արցախում վիրավորվել է «Արմենիա TV»-ի օպերատորը

Արցախում վիրավորվել է «Արմենիա TV»-ի օպերատորը

PanARMENIAN.Net - Արցախի Մարտունի քաղաքում ադրբեջանական կրակի տակ է ընկել նաև «Ժամը» լրատվականի նկարահանող խումբը: Վիրավորվել է «Արմենիա» հեռուստաընկերության օպերատոր Արամ Գրիգորյանը, նա տեղափոխվել է հիվանդանոց:

«Վնասվածքը, բարեբախտաբար, թեթև է: Արամ Գրիգորյանը Ապրիլյան քառօրյա պատերազմի մասնակից է», - գրել է հեռուստաընկերության լուրերի մեկնաբան Էռնա Էլիզբարյանը։

Ավելի վաղ ՀՀ կառավարության աշխատակազմից հայտնեցին, որ Մարտունիում ադրբեջանական հրետակոծության տակ է ընկել լրագրողների խումբ, Le Monde-ի երկու լրագրող վիրավորվել է և տեղափոխվում է հիվանդանոց։ Ռուսական «Դոժդի» լրագրողը նույնպես ընկել է կրակի տակ, սակայն չի վիրավորվել, նա հայտնել է, որ իր հետ այլ լրագրողներ են եղել, նրանք այժմ նկուղում պատսպարված են։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---