Մակրոն․ ՆԱՏՕ-ն պետք է ուշադրություն դարձնի Անկարայի պահվածքին 2 հոկտեմբերի 2020 - 12:14 AMT PanARMENIAN.Net - Ֆրանսիայի նախագահ Էմանուել Մակրոնը հայտարարել է, որ ՆԱՏՕ-ի բոլոր անդամները պետք է ուշադրություն դարձնեն Անկարայի պահվածքին։ Նա հավելել է նաև, որ Ֆրանսիան, որպես ԵԱՀԿ Մինսկի խմբի անդամ, մտադիր է բացատրություններ պահանջել Թուրքիայից՝ 300 սիրիացի գրոհային Ադրբեջան տեղափոխելու վերաբերյալ։ Նա նշել է, որ 300 սիրիացի վարձկանների ժամանումը Բաքու թուրքական Գազիանթեփից հաստատված փաստ է։ «Նման իրավիճակն անթույլատրելի է»,- ասել է նա, գրում է «Իզվեստիան»։ «Առաջիկա օրերին զանգահարելու եմ Թուրքիայի նախագահ Ռեջեփ Թայիփ Էրդողանին, քանի որ կարծում եմ, որ Ֆրանսիան, որպես Մինսկի խմբի համանախագահ, պետք է բացատրություններ պահանջի այդ կապակցությամբ»,-ասել է նա։ Մակրոնը հավելել է նաև, որ քննարկել է այդ հարցը ՌԴ նախագահ Վլադիմիր Պուտինի հետ և Մոսկվան համակարծիք է, որ ղարաբաղյան հակամարտության մեջ գրոհայինների ներգրավումն անթույլատրելի է։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հրետակոծություններից վիրավորվել են նաև տեղացի և ֆրանսիացի լրագրողներ։ ՀՀ-ում և Արցախում ռազմական դրություն է հայտարարված։   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր G7-ի երկրները կոչ են արել Բաքվին կատարել հումանիտար իրավունքի իր պարտավորությունները  Նրանք նաև կոչ են արել Երևանին և Բաքվին հավատարիմ մնալ խաղաղ գործընթացինftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասինԼավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |
