ՆԱՏՕ-ն կոչ է անում դադարեցնել կրակը Ղարաբաղում 5 հոկտեմբերի 2020 - 16:41 AMT PanARMENIAN.Net - ՆԱՏՕ-ն մտահոգված է ղարաբաղյան հակամարտության գոտում խաղաղ բնակիչների շրջանում զոհերի առկայությամբ և կոչ է անում դադարեցնել կրակն ու վերսկսել բանակցությունները։ Այդ մասին հայտարարել է ՆԱՏՕ-ի գլխավոր քարտուղար Յեն Ստոլտենբերգը։ Նա աշխատանքային այցով Անկարայում է, որտեղ բանակցել է Թուրքիայի ԱԳՆ ղեկավար Մևլութ Չավուշօղլուի հետ, ակնկալվում է, որ կհանդիպի նաև նախագահ Ռեջեփ Թայիփ Էրդողանի հետ, գրում է ՌԻԱ Նովոստին։ «Մեզ շատ է մտահոգում իրավիճակը Ղարաբաղում։ Մենք տեսնում ենք, որ խաղաղ բնակիչներ են զոհվում։ Այդ հակամարտությունը ռիսկեր է պարունակում բոլոր ուղղություններով, այդ թվում՝ էներգետիկ։ Սա շատ վտանգավոր իրավիճակ է ամբողջ տարածաշրջանի համար, այդ թվում՝ դաշինքի անդամների։ Մենք կոչ ենք անում բոլոր կողմերին անհապաղ դադարեցնել պատերազմն ու նստել բանակցությունների սեղանի մոտ»,-ասել է Ստոլտենբերգն Անկարայում՝ Չավուշօղլուի հետ համատեղ մամուլի ասուլիսում։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հրետակոծություններից վիրավորվել են նաև տեղացի և ֆրանսիացի լրագրողներ։ ՀՀ-ում և Արցախում ռազմական դրություն է հայտարարված։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |