Ռուբեն Վարդանյանի կոչը Պուտինին և ՌԴ էլիտային․ Մի ոչնչացրեք ձեր վերջին դաշնակցին 5 հոկտեմբերի 2020 - 19:07 AMT PanARMENIAN.Net - Ռուսաստանաբնակ հայազգի բարերար, գործարար Ռուբեն Վարդանյանը դիմել է ՌԴ նախագահ Վլադիմիր Պուտինին՝ կոչ անելով խառնվել ԼՂ-ում կատարվող գործընթացին, քանի որ դա հենց Ռուսաստանի շահերից է բխում։ «Դիմում եմ Ռուսաստանի նախագահ Վլադիմիր Պուտինին՝ որպես ՌԴ քաղաքացի, դուք որպես առաջնորդ շատ բան կարող եք անել, և հենց այսօր ձեր մասնակցությունը և վերաբերմունքը այս ամենին որոշում է շատ բան։ Ես չգիտեմ, թե դուք ինչ ինֆորմացիա եք ստանում, ով է ձեզ խորհուրդներ տալիս, բայց հավատացեք՝ սա զուտ տարածքային հակամարտություն չէ։ Եվ եթե ստացվի այնպես, որ այս աղետն ավարտվի դժբախտությամբ, Ռուսաստանի համար անբուժելի վերք կլինի։ Ես երազում եմ, որ ՌԴ-ն ոչ թե միայն օգնի, այլ հասկանա, որ այս գործընթացը հենց մեզ՝ ռուսաստանցիներիս համար է սկզբունքային կարևոր, ոչ թե հայերի և Հայաստանի, այլ ամբողջ ռուս ժողովրդի համար, որովհետև ԼՂ տեղային հակամարտությունն աշխարհաքաղաքական դանդաղ գործողության բոմբ է, որը կպայթի և, ցավոք, առաջինը հենց ՌԴ-ում։ Ես որպես ՌԴ քաղաքացի ձեզ խնդրում եմ՝ խառնվեք գործընթացին»,- նշում է նա ուղերձում։ Վարդանյանը ռուսական ռազմաքաղաքական էլիտային հիշեցնում է, որ Ռուսաստանը կարող է լինել հզոր երկիր, երբ ունի ուժեղ դաշնակիցներ․ «Մի ոչնչացրեք ձեր վերջին դաշնակցին՝ այնպես անելով, որ ոչ ոք չհավատա, թե Ռուսաստանի հետ հնարավոր է իրականում լինել ուժեղ և հաջողակ, ոչ թե թույլ և նվաստացած»։ Վարդանյանը նաև ՀՀ իշխանություններին է դիմել՝ խորհուրդ տալով մի կողմ դնել քաղաքական հայացքները և միավորվել, Վրաստանին՝ խնդրելով չանել այն, ինչի համար հետո կփոշմանեն, ադրբեջանցիներին՝ նշելով, որ ամեն վայրկյան թափվող արյունը մեկ քայլ ավելի է հեռացնում խաղաղ գոյության հնարավորությունը։
Վարդանյանը նաև կոչ է արել աշխարհի հայ երիտասարդությանը, մանավանդ տեխնոլոգիաների ոլորտի մասնագետներին, ժամանակավորապես մոռանալ կարիերայի մասին և ծառայեցնել իրենց գիտելիքները հանուն հայրենիքի։ Գործարարը դիմել է միջազգային հանրությանը՝ նշելով, որ չեն արել հնարավորը՝ պատերազմը դադարեցնելու համար։ Դիմել է նաև հայաստանցի զինվորներին և հայ ժողովրդին՝ նշելով, որ հպարտ է՝ հայ է, երջանիկ է՝ ապրում է բոլոր նրանց հետ։ Հպարտ է, որ ոչ մի բան հաշվի չառնելով՝ հայ ժողովուրդը միասին է և անում է անհնարինը։ Նա նշում է, որ [հակառակորդի-խմբ․] բլիցկրիգը չստացվեց, որովհետև տղաները զոհաբերեցին իրենց։ Նա վերջում շնորհակալություն է հայտնում իր ժողովրդին և ասում, որ իրենց հետ է։ Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ |