 Թորոսյան․ Արցախում հակառակորդի կրակի պատճառով բժիշկները երբեմն չեն կարողանում հասնել կարիքավորներին 6 հոկտեմբերի 2020 - 10:53 AMT PanARMENIAN.Net - Արցախի հիվանդանոցներն ապահովված են անհրաժեշտ դեղորայքով, բժշկական պարագաներով և սարքավորումներով, ինչպես նաև արյան պաշարներով։ Այս մասին հայտարարել է ՀՀ առողջապահության նախարար Արսեն Թորոսյանը՝ ավելացնելով, սակայն, որ լինում են դեպքեր, երբ ռմբակոծության և հրթիռակոծության պատճառով բժիշկները չեն կարողանում ֆիզիկապես հասնել օգնության կարիք ունեցողներին։ Թորոսյանը ներկայացրել է, որ Ստեփանակերտն ամբողջությամբ ռմբակոծության և հրետակոծության տակ է, և որևէ տարբերություն չկա այդ հրթիռների թիրախների առումով, դրանցով թիրախավորվում են թե ռազմական օբյեկտները, թե քաղաքացիականները։ «Ամբողջությամբ մոբիլիզացված Արցախի բժշկական համայնքը, ինչպես նաև ՀՀ-ից նրանց օգնության մեկնած բժիշկները, փաստացի երբեմն զրկված են լինում կարիքի մեջ գտնվող մարդկանց օգնություն ցույց տալուց, որովհետև Ստեփանակերտը և այլ բնակավայրերը գտնվում են օդային տագնապի և ռմբակոծության տակ։ Եվ նույնիսկ շտապ օգնության մեքենաները չեն կարողանում օգնության հասնել այն քաղաքացիներին, որոնք դրա կարիքը ունեն»,- նշել է Թորոսյանը։ Նրա խոսքով՝ երբեմն ստիպված են լինում տեղաշարժվել օդային տագնապի ժամանակ՝ վտանգելով կյանքը։ Ըստ նախարարի՝ բժշկական անձնակազմի մոտ կա այնպիսի տպավորություն, որ չի բացառվում՝ հրթիռների ուղիղ թիրախները լինեն բժշկական ենթակառուցվածքները, ինչը պատերազմական հանցագործություն է։ «Ինքս եմ ականատեսել եղել Ստեփանակերտի հանրապետական հիվանդանոցին շատ մոտ հրթիռային հարվածին, այնքան մոտ, որ հիվանդանոցը դղրդաց, և չի բացառվում, որ կարող էր հարվածել հենց հիվանդանոցին»,- ասել է նախարարը։ Թորոսյանը հայտնել է, որ վիրավորների ճնշող մեծամասնությունն ականապայթյունային վիրավորումներ են ստացել։   Ուշագրավ Բագրատ սրբազանը վաղ առավոտյան ուղևորվել է դեպի Կիրանց «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի   Ամենաընթերցվողը բաժնում |  Վերջին լուրեր Վարժական հավաքների ծանուցումը հրապարակային դարձնելու նախագիծն 1-ին ընթերցմամբ ընդունվել է  Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցվածԻրանի փոխդեսպանը զորակցության համար շնորհակալություն է հայտնել ՀՀ ժողովրդին և կառավարությանը Դեսպան Մեհդի Սոբհանին Նիկոլ Փաշինյանի հետ մեկնել է ԻրանՍուքիասյան․ Ուզում ենք հզոր պետություն դառնալ՝ ՀՀ քաղաքացիները, պատգամավորները, կուսակցությունները խանգարում են «Ընդդիմություն եք, բայց չափ կա, կարո՞ղ է գիտեք ոնց ուզեք, ինչ ուզեք կանեք...ես ձեզ զգուշացում եմ»,–ասել է նաՌայիսիի ուղղաթիռի կործանումից նոր մանրամասներ են հայտնել Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում |
