Facebook-ը հազարավոր էջերով ադրբեջանական ցանց է փակել

Facebook-ը հազարավոր էջերով ադրբեջանական ցանց է փակել

PanARMENIAN.Net - Facebook-ը հայտնել է ադրբեջանական էջերի մեծ ցանց փակելու մասին։ Մասնավորապես, փակվել է 589 ֆեյսբուքյան օգտատիրոջ հաշիվ, 7906 էջ և Instagram-ի 447 օգտատերի հաշիվ։

Ցանցը հիմնականում մեկնաբանում էր տեղական ու տարածաշրջանային լուրեր և, բացի Ադրբեջանի ներքին զարգացումներից, աշխատել է Ղարաբաղում պատերազմի ընթացքում Հայաստանի գործողությունները մեկնաբանելու ուղղությամբ։ Ցանկը կապված էր Ադրբեջանի իշխող «Ենի Ադրբեջան» կուսակցության հետ։

Հոկտեմբերի 8-ին Armenian Social Media Army-ի թիմը գործընկերների աջակցությամբ ադրբեջանական 13 հեռուստաալիքով կարողացել էր հեռարձակել հայկական տեսանյութ, որտեղ ներկայացվում է առաջնագծում իրական իրավիճակը։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։

 Ուշագրավ
Krisp-ը 1 տարվա ընթացքում 0-ից 600 կորպորատիվ բաժանորդ է ձեռք բերել
«Չհամաձայնվելու դեպքում հստակ հայտնել են, որ ինձ մեղադրելու են առանձնապես ծանր հանցագործության մեջ և կալանավորելու»,- ասվում է հայտարարության մեջ
Facebook-ում նոր էմոցիան գրկախառնվող սմայլիկի տեսք կունենա
Նրանք հայտնել են, որ Ucom-ի 843 աշխատակից ազատման դիմում են գրել