ՀՀ-ում կորոնավիրուսի 745 նոր դեպք կա և 8 մահ

ՀՀ-ում կորոնավիրուսի 745 նոր դեպք կա և 8 մահ

PanARMENIAN.Net - Հայաստանում հոկտեմբերի 13-ի դրությամբ կորոնավիրուսի դեպքերը հասել են 57,566-ի՝ նախորդ օրվա համեմատ ավելանալով 745-ով: Այդ մասին տեղեկացնում է առողջապահության նախարարությունը։

Մահվան 8 դեպք է գրանցվել, որից 6-ը՝ կորոնավիրուսից, 2-ը՝ այլ պատճառով, երբ պացիենտի մոտ ախտորոշվել է կորոնավիրուս, սակայն մահը վրա է հասել այլ պատճառով։ Ընդհանուր առմամբ, կորոնավիրուսից մահվան 1032 դեպք կա, այլ պատճառով՝ 308։

Ապաքինվել է ևս 427 մարդ։ Առողջացածների ընդհանուր թիվը 46,318 է, փաստացի բուժվողներինը՝ 9908։

Մեկ օրում թեստավորվել է 2114 մարդ։ Ընդհանուր առմամբ, 329,277 թեստ է արվել։

Ավելի վաղ առողջապահության նախարարությունը հայտարարել էր, որ պատերազմական իրավիճակում առավել կարևոր է դառնում զգոն լինելը և հակահամաճարակային կանոններին հետևելը, քանի որ կորոնավիրուսի դեպքերի աճն ավելի է ծանրաբեռնում պատերազմի պայմաններում գործող առողջապահական համակարգը։

 Ուշագրավ
«Սա պետք է լինի մեր բոլորի մոտեցումն այսօ՛ր և մի՛շտ»,- ասվում է գրառման մեջ
Պարզվել է, որ քրեական գործ չի հարուցվել, մեղադրանք առաջադրելու համար էլ ապացույցներ չեն գտել
Պաշտպանը նշել է, որ ադրբեջանական իշխանություններն արհեստական ձգձգում, քաղաքականացնում են գործընթացը
Նա հանցագործության մասին հաղորդում կներկայացնի