Ադրբեջանի կրակից ընդհանուր զոհվել է 1 երեխա, ծանր վիրավորվել՝ 3-ը

Ադրբեջանի կրակից ընդհանուր զոհվել է 1 երեխա, ծանր վիրավորվել՝ 3-ը

PanARMENIAN.Net - Կրթության, գիտության, մշակույթի և սպորտի նախարարությունն ամփոփել է Ադրբեջանի սանձազերծած պատերազմի հետևանքով երեխաների տուժելու դեպքերը։

Հոկտեմբերի 15-ի դրությամբ, Արցախի իր բնակության վայրում սպանվել է 9-ամյա աղջիկ։ Նրա 2 տարեկան եղբայրը ստացել է մարմնական ծանր վնասվածքներ՝ Մարտունի քաղաքի հրետակոծության ժամանակ:

Ադրբեջանի ուժգին հրետակոծության պատճառով Մարտակերտի իրենց տնից հեռանալու ճանապարհին ԱԹՍ-ի հարվածից վիրավորվել է 13-ամյա մեկ տղա, որը 5 օր մնացել է կոմայի մեջ։ ԱԹՍ-ն հարվածել էր մեքենային, ընտանիքի բոլոր անդամները ծանր վնասվածքներ ունեն: Հոկտեմբերի 14-ին Վարդենիս-Սոթք ավտոճանապարհի մերձակայքում դարձյալ ադրբեջանական ԱԹՍ-ի խոցման հետևանքով վիրավորվել է 14 տարեկան ևս մեկ տղա:

Նշվում է, սեպտեմբերի 27-ից սկսած Արցախում ուսումնական բոլոր հաստատություններն անորոշ ժամանակով փակվել են, ավելի քան 24,000 երեխա չունի կրթության իր իրավունքն իրացնելու հնարավորություն: Պատերազմական վիճակով պայմանավորված՝ Հայաստանի տարբեր մարզերի սահմանամերձ 119 համայնքների ավելի քան 10,815 երեխա զրկված է առկա ուսուցման հնարավորություններից։

 Ուշագրավ
«Սա պետք է լինի մեր բոլորի մոտեցումն այսօ՛ր և մի՛շտ»,- ասվում է գրառման մեջ
Պարզվել է, որ քրեական գործ չի հարուցվել, մեղադրանք առաջադրելու համար էլ ապացույցներ չեն գտել
Պաշտպանը նշել է, որ ադրբեջանական իշխանություններն արհեստական ձգձգում, քաղաքականացնում են գործընթացը
Նա հանցագործության մասին հաղորդում կներկայացնի