«Կոմերսանտը» տեղեկություն է հայտնել Ադրբեջանում թուրքական զորախմբի քանակի ու տեխնիկայի մասին

«Կոմերսանտը» տեղեկություն է հայտնել Ադրբեջանում թուրքական զորախմբի քանակի ու տեխնիկայի մասին

PanARMENIAN.Net - Ռուսական «Կոմերսանտի» ռազմա-դիվանագիտական աղբյուրը բացահայտել է, թե ինչպես են թուքրերը հող նախապատրաստել Լեռնային Ղարաբաղի հակամարտության սրման համար ու ինչ մասնակցություն ունեն սեպտեմբերի 27-ին Ադրբեջանի կողմից Արցախի դեմ սանձազերծված պատերազմում։

Աղբյուրը հայտնել է, որ Արցախի պաշտպանության բանակի դեմ մարտերում օգտագործվում է թուրքական ռազմական տեխնիկա ու մարդուժ․ մասնավորապես ՊԲ-ի դեմ օգտագործվում է 20 հատ Բայրաքթար ԱԹՍ, 6 հատ F16, 8 ուղղաթիռ ու որոշ քանակի ցամաքային տեխնիկա։

Արցախում պատերազմին թուրքական բանակից ներգրավված է 600 զինվորական, այդ թվում՝ Նախիջևանում։ Մարդուժի մեջ է մտնում 200 հոգանոց բատալիոնային խումբ, 90 ռազմական խորհրդատու և անձնակազմի այլ անդամներ։

Ռազմա-դիվանագիտական աղբյուրի խոսքով՝ ադրբեջանական բանակին մատակարարումները թուրքական օդուժն է կազմակերպում՝ Վրաստանի տարածքով, իսկ ռազմական գործողությունների ընդհանուր պլանավորումն իրականացնում են անձամբ Թուրքիայի պաշտպանության նախարար Հուլուսի Աքարն ու ցամաքային զորքերի հրամանատար Ումիթ Դյունդարը՝ հենց Բաքվից։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին