Լավրով. Հուսամ՝ ԼՂ-ում հրադադարի վերահսկման մեխանիզմը շուտով կհամաձայնեցվի19 հոկտեմբերի 2020 - 16:40 AMT PanARMENIAN.Net - ՌԴ ԱԳ նախարար Սերգեյ Լավրովը հայտարարել է, որ առաջիկայում Լեռնային Ղարաբաղում կրակի դադարեցման վերահսկման մեխանիզմը կարող է համաձայնեցվել։ «Որպեսզի հրադադարը սկսի գործել, մենք արդեն համոզվել ենք դրանում 2 ընդունած փաստաթղթերից հետո, որոնք թույլ չտվեցին արմատապես փոխել իրավիճակը տեղում, հարկավոր է ստեղծել հրադադարի պահպանման մեխանիզմ։ Հուսով եմ՝ մոտ ապագայում այն կհամաձայնեցվի»,- ասել է ՌԴ ԱԳ նախարարը, գրում է ՏԱՍՍ-ը։ Նա հաև հավելել է, որ հարկավոր է դադարեցնել առճակատման հռետորաբանությունն ու դադարեցնել ռազմական գործողությունները Ղարաբաղում։ «Վստահ ենք, որ հիմա ամենակարևորը, և դա, հավանաբար, մեծ ջանքեր չի պահանջում, կողմերի միջև, ինչպես նաև պատասխանատու միջազգային դերակատարների կողմից, առճակատման հռետորաբանության կասեցումն է։ Դա ինչ-որ մեծ ջանքեր չի պահանջում։ Հաջորդ միանգամայն անհրաժեշտ քայլը, և այն պետք է ձեռնարկվի հռետորաբանության մեղմացմանը զուգահեռ, դա մարտական գործողությունների դադարեցումն է, քաղաքացիական օբեյեկտներին հարվածների կասեցումը։ Սա, անշուշտ, այն նույն պահանջն է, որ կա ՌԴ, ԱՄՆ և Ֆրանսիայի նախագահների հայտարարության մեջ։ Այն կա նաև մոսկովյան փաստաթղթում, որի շուրջ համաձայնության են եկել ՀՀ և Ադրբեջանի ԱԳ նախարարները հոկտեմբերի 10-ին։ Դա հաստատվում է նաև հոկտեմբերի 18-ին ընդունված փաստաթղթով»,- ասել է նա։ Լավրովը հայտարարել է նաև, որ հարկավոր է էականորեն արագացնել հակամարտության քաղաքական կարգավորմանն ուղղված ջանքերը։ «Մենք պետք է դրդենք կողմերին համաձայնեցնել առանցքային դրույթները, որոնք թույլ կտան կայունացնել իրավիճակը երկարաժամկետ հեռանկարում»,- ասել է նա։ Ավելի վաղ հայտարարվեց, որ Հայաստանը և Ադրբեջանը որոշել են հոկտեմբերի 18-ին՝ տեղական ժամանակով 00:00-ից, հաստատել մարդասիրական զինադադար։ Նշվում է, որ որոշումը կայացվել է՝ ի շարունակություն ԵԱՀԿ Մինսկի խմբի համանախագահ երկրները ներկայացնող Ֆրանսիայի, Ռուսաստանի և Ամերիկայի Միացյալ Նահանգների նախագահների հոկտեմբերի 1-ին արված հայտարարության, ԵԱՀԿ Մինսկի խմբի համանախագահների հոկտեմբերի 5-ի արված հայտարարության և համաձայն հոկտեմբերի 10-ին Մոսկվայում ընդունված համատեղ հայտարարության: Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է լայնածավալ հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ երկրի ամբողջ տարածքում։ Ուշագրավ Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու Ամենաընթերցվողը բաժնում | Amnesty International-ը՝ ՀՀ մասին. Ոստիկանական բռնություններ, ճնշումներ լրագրողների նկատմամբ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Տավուշում բերման ենթարկված 13 անձից 8-ին ազատ են արձակվել․ Քաղաքագետ Սուրեն Պետրոսյանը ձերբակալվել է Սուրեն Պետրոսյանին տեսակցել է Մարդու իրավունքների պաշտպանը Բայդեն․ Հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը «Մինչ մենք սգում ենք այս ողբերգությունը, մենք նաև պատվում ենք հայ ժողովրդի տոկունությունը»,–ասել է նա Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է |