Խոսնակ․ Փաշինյան-Ալիև հանդիպում նշանակված չէ21 հոկտեմբերի 2020 - 13:40 AMT PanARMENIAN.Net - Ռուսաստանի փոխարտգործնախարար Անդրեյ Ռուդենկոն հայտարարել է, որ Մոսկվան ողջունում է ՌԴ մայրաքաղաքում Հայաստանի և Ադրբեջանի ղեկավարների՝ «հանդիպելու ցանկությունը»։ Այս մասին հայտնում է «ՏԱՍՍ»-ը։ PanARMENIAN.Net ի հետ զրույցում ՀՀ վարչապետի մամուլի խոսնակ Մանե Գևորգյանը տեղեկացրեց, որ այս պահին Նիկոլ Փաշինյանի և Իլհամ Ալիևի հանդիպում, առավել ևս՝ դրա օր և վայր, նախատեսված չէ։ «Ողջունելու այդ հայտարարությունը թերևս հիմնված է զուտ վարչապետի և Ադրբեջանի նախագահի հարցազրույցներում հնչած պատասխանների հիման վրա։ Հարցազրույցում վարչապետը պատրաստակամություն է հայտնել և տեսականորեն չի բացառել, որ կարող է թե Մոսկվայում, թե այլ երկրում հանդիպում լինել, բայց այս պահին որևէ հիմք չկա խոսելու, որ կոնկրետ օր կամ կոնկրետ վայր կա հանդիպման համար»,- մասնավորապես, ասաց Գևորգյանը։ Ավելի վաղ Նիկոլ Փաշինյանը ՏԱՍՍ գործակալությանը հարցազրույցում պատրաստակամություն էր հայտնել մեկնել Ռուսաստանի մայրաքաղաք՝ Լեռնային Ղարաբաղի հարցով ադրբեջանական կողմի հետ հանդիպումներ ունենալու և բանակցելու։ Նույն գործակալության հետ զրույցում անձամբ Մոսկվա գնալու և կարգավորման ճանապարհներ գտնելու պատրաստակամություն էր հայտնել նաև Ադրբեջանի նախագահ Իլհամ Ալիևը: Այնուամենայնիվ, նա բազմաթիվ նախապայմաններ էր նշել՝ բանակցությունների անցնելուց առաջ: Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է լայնածավալ հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ երկրի ամբողջ տարածքում։ Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսում Վրաստանի խորհրդարանն առաջին ընթերցմամբ ընդունել է «օտարերկրյա գործակալների» մասին օրենքը Զուրաբիշվիլին դռնփակ հանդիպման է հրավիրել արևմտյան երկրների դեսպաններին Հաջիև․ Ադրբեջանի և ՌԴ ղեկավարությունը ռուս խաղաղապահների վաղաժամ դուրսբերման որոշում է կայացրել Նա նշել է, որ Ադրբեջանի և ՌԴ ՊՆ–ները ձեռնարկում են անհրաժեշտ միջոցներ որոշումը կյանքի կոչելու համար |