Աննա Հակոբյանը կանանց 13 հոգանոց ջոկատով առաջնագիծ կմեկնի

Աննա Հակոբյանը կանանց 13 հոգանոց ջոկատով առաջնագիծ կմեկնի

PanARMENIAN.Net - Հայաստանի վարչապետի տիկին Աննա Հակոբյանը հոկտեմբերի 27-ից պարապմունքներ կանցնի 13 հոգանոց կանանց ջոկատի կազմում՝ առաջնագիծ մեկնելու համար։

«Վաղվանից 13 հոգանոց կանանց ջոկատը՝ այդ թվում ես ինքս, կսկսենք զինվորական պարապմունքներ։ Մի քանի օրից կմեկնենք մեր հայրենիքի սահմանները պաշտպանելու։ Մենք ոչ հայրենիք, ոչ արժանապատվություն չունենք թշնամուն զիջելու»,- գրել է նա ֆեյսբուքյան իր էջում։

Հոկտեմբերի 26-ին վարչապետ Նիկոլ Փաշինյանը հայտարարել էր, որ բոլոր տղամարդիկ պետք է ոտքի կանգնեն ու զինկոմիսարիատ գնան։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։

 Ուշագրավ
«Սա պետք է լինի մեր բոլորի մոտեցումն այսօ՛ր և մի՛շտ»,- ասվում է գրառման մեջ
Պարզվել է, որ քրեական գործ չի հարուցվել, մեղադրանք առաջադրելու համար էլ ապացույցներ չեն գտել
Պաշտպանը նշել է, որ ադրբեջանական իշխանություններն արհեստական ձգձգում, քաղաքականացնում են գործընթացը
Նա հանցագործության մասին հաղորդում կներկայացնի