Թրամփ․ Հիասթափված եմ Երևանի և Բաքվի միջև ձեռք բերված պայմանավորվածության խախտումից

Թրամփ․ Հիասթափված եմ Երևանի և Բաքվի միջև ձեռք բերված պայմանավորվածության խախտումից

PanARMENIAN.Net - ԱՄՆ նախագահ Դոնալդ Թրամփը հայտարարել է, որ հիասթափված է Երևանի ու Բաքվի միջև պաշտոնական Վաշինգտոնի միջնորդությամբ ձեռք բերված հրադադարի ռեժիմի խախտումից, բայց հույս է հայտնել, որ կողմերը կաշխատեն այդ ուղղությամբ, փոխանցում է Reuters-ը:

«Այո, դա հիասթափեցնող է: Ահա թե ինչ կատարվում, երբ ունենք երկրներ, որոնք երկար ժամանակ տարաձայնություններ են ունեցել։ [Հրադադարը] կվերականգնվի», - ասել է Թրամփը:

Ադրբեջանը և Հայաստանը հոկտեմբերի 25-ին երրորդ անգամ և արդեն պաշտոնական ԱՄՆ-ի միջնորդությամբ մարդասիրական հրադադարի մասին պայմանավորվածություն էին ձեռք բերել: Այն, ինչպես և Մոսկվայի ու Փարիզի միջնորդույթամբ ձեռք բերված նախորդ երկու պայմանավորվածությունը, խախտել էր ադրբեջանական կողմը։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---