Ահաբեկչություն՝ Նիսում. Ավինյոնում դանակով սպառնացողը սպանվել է

Ահաբեկչություն՝ Նիսում. Ավինյոնում դանակով սպառնացողը սպանվել է

PanARMENIAN.Net - Ֆրանսիայի Նիսի Աստվածամոր բազիլիկ եկեղեցում ահաբեկչություն է եղել, հանցագործը սպանել է երեք մարդու, այդ թվում մեկ կին է գլխատվել։

Reuters գործակալության փոխանցմամբ՝ հանցագործությունը հետաքննելու է Ֆրանսիայի դատախազության հակաահաբեկչական գծով վարչությունը։ Կան նաև վիրավորներ։

Ահաբեկչությունից կարճ ժամանակ անց Ավինյոն քաղաքում ոստիկանությունը գնդակահարել է «Ալլահ Ակբար» բղավող ու դանակով անձանց սպառնացող տղամարդու, հայտնում է RT-ն։

Վերջին շրջանում Ֆրանսիայի նախագահ Էմանուել Մակրոնի հարաբերությունները մուսուլմանների հետ Թուրքիայի նախագահ Ռեջեփ Թայիփ Էրդողանի սադրանքով սրվել են։

Հոկտեմբերի 16-ին Փարիզում 18-ամյա երիտասարդը սպանել էր ուսուցիչ Սամուել Պատիին՝ Մուհամեդ մարգարեի ծաղրանկարը ցուցադրելու պատճառով։ Մարդասպանը հրապարակել էր ուսուցչի գլխատված լուսանկարն ու՝ դիմելով Ֆրանսիայի նախագահին, հայտարարել, թե մահապատժի է ենթարկել ուսուցչին, ով համարձակվել էր ծաղրել Մուհամեդ մարգարեին։

Մակրոնը ֆրանսիացի ուսուցչին գլխատելու դեպքն ահաբեկչություն էր անվանել ու հայտարարել, որ «նա սովորեցրել է երեխաներին խոսքի ազատություն, հավատալու կամ չհավատալու ազատություն»։

Էրդողանը քննադատել էր Մակրոնին՝ իսլամի մասին իր արտահայտությունների համար, ու հայտարարել, թե վերջինս հոգեկան խանգարումից բուժվելու կարիք ունի։

Ֆրանսիան դրանից հետո հետ էր կանչել Թուրքիայում իր դեսպանին, իսկ Փարիզում Անկարայի դեսպանին կանչել ԱԳՆ։ Փարիզը նաև ընդգծել էր, որ թուրքական կողմից աջակցության և ցավակցության ուղերձներ չեն ստացել՝ կապված Սամուել Պատիի մահվան հետ։

Photo. AFP
 Ուշագրավ
Հայտնի է, որ ահաբեկիչներից մեկը «Իսլամական պետություն» խմբավորման համակիր է
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել