Ստեփանակերտի հրթիռակոծման արդյունքում մահացել են տատն ու նրա 2 թոռը
Ստեփանակերտը նոյեմբերի լույս 6-ի ամբողջ գիշերվա ընթացքում և լուսադեմին պարբերաբար հրթիռակոծվել է: Հրթիռն ընկել է բնակելի տան վրա, զոհվել է քաղաքացիական 3 անձ՝ տատիկը և նրա երկու թոռը։
Երրորդ եղբայրը փրկվել է, քանի որ տանը չի գիշերել, տեղեկացրել է Արցախի Հանրային հեռուստատեսությունը։
Արցախի փրկարար ուժերը որոնողափրկարարական աշխատանքների արդյունքում փլատակների տակից հանել են քաղաքացիների դիերը։
Պայթյունից մասնակի վնասվել են նաև հարևանությամբ գտնվող բնակարանները:
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
