Greenberg Traurig իրավաբանական և լոբբիստական ընկերությունը խզել է կապերը Թուրքիայի կառավարության հետ։ Դա արվել է ամերիկահայ ակտիվիստների ճնշմամբ, տեղեկացնում է Ամերիկայի Հայ դատի հանձնախումբը։

Ընկերությունը ներքին շրջանառության նամակ է ուղարկել՝ տեղեկացնելով, որ հոկտեմբերի 29-ից խզել է հարաբերությունները Թուրքիայի հետ:

Ընկերությունը հրաժարվել է մեկնաբանություններից, Վաշինգտոնում Թուրքիայի դեսպանատունը ևս չի ցանկացել մեկնաբանել իրավիճակը:

Ավելի վաղ հայտնի դարձավ, որ Beringer AERO ընկերությունը հայտարարել է թուրքական անօդաչու թռչող սարքերին մատակարարումները դադարեցնելու մասին։ Հոկտեմբերի 5-ին ամերիկյան Trimble Navigation ընկերությունը, որը թուրքական Bayraktar անօդաչու թռչող սարքերի համար GPS-ներ է արտադրում, ևս հայտարարել էր մատակարարումները դադարեցնելու մասին։