Հայաստանում ռազմական դրությամբ պայմանավորված՝ բժշկական կազմակերպությունում առաջնահերթություն կտրվի ռազմական գործողությունների արդյունքում տուժածներին բուժօգնության ցույց տալուն, հիվանդանոցներում մշտապես պետք է ազատ մահճակալներ ունենալ՝ զինծառայողների սպասարկումն անխափան և ժամանակին կազմակերպելու համար։
Առողջապահության նախարար Արսեն Թորոսյանը նոյեմբերի 6-ին հրաման է ստորագրել ՀՀ-ում ռազմական դրությամբ պայմանավորված՝ բժշկական կազմակերպություններում բուժօգնությունն ու սպասարկումը կազմակերպելու վերաբերյալ։
Բուժհաստատություններում օգնությունն ու սպասարկումը կկազմակերպվի ըստ առաջնահերթության՝ հիմք ընդունելով պացիենտի նախնական ախտորոշումը, առողջական վիճակի գնահատումը և բժշկական օգնության և սպասարկման մատուցման հրատապությունը։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
