Անհետ կորած 18-ամյա Էրիկ Խաչատրյանը երևացել է ադրբեջանցիների հրապարակած տեսանյութում

Անհետ կորած 18-ամյա Էրիկ Խաչատրյանը երևացել է ադրբեջանցիների հրապարակած տեսանյութում

PanARMENIAN.Net - ԱԺ «Բարգավաճ Հայաստան» խմբակցության պատգամավոր, մարդու իրավունքների հարցերով մշտական հանձնաժողովի նախագահ Նաիրա Զոհրաբյանն անդրադարձել է ադրբեջանցի զինծառայողների արած տեսանյութին, որում երևում է անհետ կորած համարվող հայ զինծառայող։

Ըստ պատգամավորի՝ գերեվարված զինվորը 18 ամյա Էրիկ Խաչատրյանն է, ում հետ վերջին անգամ խոսել են հոկտեմբերի 12-ին։

«Էրիկը կռվել է Ջաբրայիլում։ Պարզ չէ անգամ՝ այս տեսանյութը երբ է արվել։ Էս պահին արդեն Կարմիր Խաչը սկսել է իր գործն անել»,-գրել է նա ֆեյսբուքյան իր էջում։

Զոհրաբյանը նշել է, որ արդեն դիմել է միջազգային բոլոր կառույցներին՝ ԵԽ մարդու իրավունքների հարցերով հանձնակատարին։

«Ամեն ինչ պիտի անենք, եվրոպական բոլոր կառույցները տակնուվրա պիտի անենք, որ մեր գերեվարված զինվորներին ու քաղաքացիական անձանց անվնաս տեղափոխենք հայրենիք», - գրել է նա։

Նոյեմբերի 22-ին Արցախի մարդու իրավունքների պաշտպան Արտակ Բեգլարյանը հայտնել էր, որ նոյեմբերի 13-ից անհետ կորածների ու զոհվածների մարմինների որոնման ու փոխանակման գործընթացի արդյունքում արդեն շուրջ 350 հայ զինծառայողի մարմին է գտնվել կամ փոխանակվել։ Շուշիի անտառներից միայն մեկ վիրավոր ոստիկան է գտնվել ողջ։

 Ուշագրավ
Վճարը մեկ ժամվա համար 100 դրամ է, մեկ տարվա համար՝ 12,000 դրամ
Նա բուժումը կշարունակի տանը՝ նրան ցուցված է անկողնային ռեժիմ
Վարդևանյանը նշել է, որ քրգործն ինչպես հարուցվել է, այնպես էլ դադարեցվելու է քրհետապնդումը։
Նոր երթուղիները գործարկվել են Գորիս համայնքի ղեկավար Առուշ Առուշանյանի հանձնարականով