Դատախազությունը բողոքարկել է Վանեցյանի, Բաղդասարյանի, Ավագյանի կալանքը մերժելու որոշումները 24 նոյեմբերի 2020 - 16:27 AMT PanARMENIAN.Net - Գլխավոր դատախազությունը բողոքարկել է ընդդիմադիր գործիչներ Արթուր Վանեցյանի, Վահրամ Բաղդասարյանի և Աշոտ Ավագյանի վերաբերյալ Երևանի ընդհանուր իրավասության դատարանի որոշումները, որոնցով մերժվել են Ազգային անվտանգության ծառայության միջնորդությունները նրանց կալանավորելու վերաբերյալ, տեղեկացնում է «Ազատությունը»։ Գլխավոր դատախազությունից փոխանցել են, որ չորրորդ գործչի՝ «Սիսական» ջոկատի հրամանատար Աշոտ Մինասյանի վերաբեյալ որոշումը ստանալուց հետո կքննարկեն բողոքարկելու հարցը։ ԱԱԾ-ն քրեական գործ է հարուցել «Հայրենիք» կուսակցության նախագահ Արթուր Վանեցյանի, ՀՀԿ խորհրդի անդամ Վահրամ Բաղդասարյանի, «Սիսական» ջոկատի հրամանատար Աշոտ Մինասյանի և ՀՅԴ անդամ, արվեստագետ Աշոտ Ավագյանի նկատմամբ՝ իշխանության յուրացումը և վարչապետի սպանությունը նախապատրաստելու համար։ Նրանք չեն ընդունում մեղադրանքը՝ հայտարարելով քաղաքական հետապնդման մասին։ ԱԱԾ-ն ավելի վաղ հեռախոսային մի ձայնագրություն էր հրապարակել, որտեղ, ըստ իրավապահների, խոսում են այս գործով մեղադրյալներ Վահրամ Բաղդասարյանը, Աշոտ Ավագյանը և Աշոտ Մինասյանը։ Ըստ ԱԱԾ-ի, նրանք քննարկումներ են ունեցել առգրավված զենքի օգտագործման և նպատակի մասին։ Արցախում զինադադարի մասին եռակողմ հայտարարությունից հետո ընդդիմությունը հանրահավաքներ է անցկացնում վարչապետ Նիկոլ Փաշինյանի հրաժարականի պահանջով։   Ուշագրավ Վճարը մեկ ժամվա համար 100 դրամ է, մեկ տարվա համար՝ 12,000 դրամ Նա բուժումը կշարունակի տանը՝ նրան ցուցված է անկողնային ռեժիմ Վարդևանյանը նշել է, որ քրգործն ինչպես հարուցվել է, այնպես էլ դադարեցվելու է քրհետապնդումը։ Նոր երթուղիները գործարկվել են Գորիս համայնքի ղեկավար Առուշ Առուշանյանի հանձնարականով   |  Վերջին լուրեր Լավրով․ Տարիներ առաջ շանս ունեինք ԼՂ հարցում հասնել համաձայնության  Լավրովի խոսքով՝ տարածաշրջանային նոր իրակնության պայմաններում ոչ միայն ՌԴ-ն է հետաքրքրված կայունությամբ, այլ նաև Իրանը, Վրաստանը, ԹուրքիանՓաշինյանը պետք է ներողություն խնդրի Խաչատրյաններից․ Դատարանի վճիռն է Դատարանը հիմնավորված է համարել Խաչատրյանների հայցը և պարտավորեցրել հերքել վարչապետի խոսնակի գրառումըՄանուկյան․ Թե Փաշինյանը սահմանադրական ճանապարհով չգնաց, մենք ապստամբության կգնանք «Ապստամբություն» ասելով Մանուկյանը նկատի է ունեցել «շենքերի գրավումն առանց բռնություն գործադրելու»ԵԽԽՎ-ի կոչը՝ կատարել ԼՂ վերաբերյալ եռակողմ հայտարարության կետերը Զեկույցում ԵԽԽՎ-ն նաև իր մտահոգությունն է հայտնել հակամարտության ընթացքում մարդու իրավունքների խախտումների մասով |
