Կոմիտասի պողոտայում $10 մլն-ով հանգստի գոտի կկառուցվի

Կոմիտասի պողոտայում $10 մլն-ով հանգստի գոտի կկառուցվի

PanARMENIAN.Net - Կառավարությունը հավանություն է տվել ներդրումային մի ծրագրի, որով նախատեսվում է նոր զբոսայգի կառուցել Կոմիտասի պողոտայում։ 10 մլն դոլարի նեդրումային առաջարկը գործադիրի նիստում ներկայացրել է ՏԿԵ նախարար Սուրեն Պապիկյանը։

«Հայկ 88» ՍՊԸ-ին կառուցապատման իրավունքով հողամասեր են տրամադրվել։

«Հայկ 88» ՍՊԸ-ն Կոմիտասի պողոտայի 49/9 հասցեում 2774 քմ մակերեսով շինության սեփականատեր է և դրա զբաղեցրած 2016 քմ մակերեսով հողամասի վարձակալ:

Ընկերությունը 10 մլն դոլար ներդրումով նախատեսում է հանգստի գոտի կառուցել Կոմիտասի պողոտայի 49/9 ու 49/10 հասցեներում, որը վերնանցումով կկապվի Կոմիտասի պողոտայի «Արաբկիր» մանկական այգու հետ։ Նախատեսվում է շատրվաններ և ջրավազաններ կառուցել, ամֆիթատրոն, ապահովել կաթիլային ոռոգում։

Նշվել է, որ ներկա դրությամբ այդ տարածքն անբարեկարգ վիճակում է։

 Ուշագրավ
ՌԱԷԿ-ի մասնագետները ներկայացրել են տեխնիկական սպասարկման և վերանորոգման ուղղությամբ տարվող աշխատանքը
Նա հավելել է, որ էկոնոմիկայի նախարարությունը բիզնեսի համար առավել կոնկրետ առաջարկներով հանդես կգա
Իրանից ներմուծվող ապրանքները մաքսազերծվում են այն գներով, որ տեղական արտադրողը չտուժի
Փոխնախարարի խոսքով՝ համակարգի շահառուների թիվը սրընթաց աճում է, և դա «ռիսկ է, որի հետ պետք է հաշվի նստել»