Ֆրանսիան 76 մզկիթի նկատմամբ վերահսկողություն կսահմանի. Դրանք կարող են փակվել

Ֆրանսիան 76 մզկիթի նկատմամբ վերահսկողություն կսահմանի. Դրանք կարող են փակվել

PanARMENIAN.Net - Ֆրանսիայի ներքին գործերի նախարար Ժերալդ Դարմանինը հայտարարել է Ֆրանսիայում գտնվող որոշ մզկիթների նկատմամբ սեպարատիստական մղումների կասկածով վերահսկողություն սահմանելու մասին։

Խոսքը Ֆրանսիայի 76 մզկիթի մասին է, որոնցից 16-ը Փարիզում են։ Նշվում է, որ 18-ի նկատմամբ արտոնված են անվերապահ գործողություններ, այդ թվում՝ դրանք փակելու։

Դարմանինի խոսքով՝ Ֆրանսիայի նախագահ Էմանուել Մակրոնի պաշտոնավարումից սկսած արդեն 43 մզկիթ է փակվել:

Մակրոնի թիմն առաջարկում է «Իսլամիստ անջատողական» օրինագծով խստացնել հսկողությունը երկրում գործող մուսուլմանական կառույցների նկատմամբ։

Հոկտեմբերի 16-ին Փարիզում 18-ամյա երիտասարդը սպանել էր ուսուցչին՝ Մուհամեդ մարգարեի ծաղրանկարը ցուցադրելու պատճառով։ Մարդասպանը հրապարակել էր ուսուցչի գլխատված լուսանկարն ու, դիմելով Ֆրանսիայի նախագահին, հայտարարել, որ մահապատժի է ենթարկել ուսուցչին, ով համարձակվել էր ծաղրել Մուհամեդ մարգարեին։

Մակրոնը ֆրանսիացի ուսուցչին գլխատելու դեպքն ահաբեկչություն էր անվանել ու հայտարարել, որ «նա սովորեցրել է երեխաներին խոսքի ազատություն, հավատալու կամ չհավատալու ազատություն»։

Թուրքիայի նախագահ Ռեջեփ Թայիփ Էրդողանը քննադատել էր Ֆրանսիայի ղեկավար Էմանուել Մակորնին՝ իսլամի մասին իր արտահայտությունների համար, ու հայտարարել, թե վերջինս հոգեկան խանգարումից բուժվելու կարիք ունի, ապա կոչ էր արել բոյկոտել ֆրանսիական ապրանքները։ Դրանից հետո Ֆրանսիայում ահաբեկչական ակտեր եղան։

 Ուշագրավ
2019-ի համեմատ զբոսաշրջային ուղղություններում օտարերկրյա զբոսաշրջիկների քանակը պակասել է 900 միլիոնով
Հայտնի է, որ ահաբեկիչներից մեկը «Իսլամական պետություն» խմբավորման համակիր է
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։