 Ավինյան․ ՀՀ-ի և Ադրբեջանի միջև վերջնական արձանագրված իրավական սահման չկա 9 դեկտեմբերի 2020 - 17:57 AMT PanARMENIAN.Net - Փոխվարչապետ Տիգրան Ավինյանն ԱԺ-կառավարություն հարցուպատասխանի ընթացքում հայտարարել է, որ ՀՀ-ի և Ադրբեջանի միջև իրավական սահման, որպես այդպիսին, վերջնական արձանագրված չէ։ Նա տեղեկացրել է, որ ռուսական կողմի միջնորդությամբ ամենասեղմ ժամկետում տեղի են ունենալու բանակցություններ։ Իսկ զինված ուժերը սահմանին կտեղակայվեն պայմանավորվածությունների և բանակցությունների արդյունքում։ Ավինյանը տեղեկացրել է, որ այժմ Սյունիքում սահմանի ամբողջ երկայնքով միջգերատեսչական խումբ է աշխատում, իրավական փաստաթղթերն են նախապատրաստվում բանակցությունների համար։ «Վերհանել ենք իրավական բոլոր փաստաթղթերը և քարտեզները, որոնք հիմք են հանդիսանալու այդ բանակցությունների համար»,- ասել է Ավինյանը։ Ավելի վաղ հայտնի դարձավ, որ նախագահ Արմեն Սարգսյանը ՀՀ ու Ադրբեջանի միջև սահմանագծմանն աջակցելու հարցով նամակ է հղել ՌԴ ղեկավար Վլադիմիր Պուտինին: Հաշվի առնելով հարցի բացառիկ կարևորությունն ու արդիականությունը՝ Սարգսյանը խնդրել է Ռուսաստանի նախագահին՝ աջակցել ՀՀ ու Ադրբեջանի միջև սահմանագծման գործընթացին և այն ավարտին հասցնելուն՝ բացառելու հետագա լարվածությունն ու բացասական զարգացումները:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում  «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նաՎաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տունԱլիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ էԾիծեռնակաբերդում Աննա Հակոբյանի ներկայությամբ միջադեպի առնչությամբ 7 ձերբակալված կա Նախաձեռնվել է քրեական վարույթ |
