«Արեւելյան գործընկերությունը» եվրոպական հեռանկար է: Թող Հայաստանը, Վրաստանն ու Ադրբեջանը չվիրավորվեն, սակայն նրանք չափազանց հեռու են Եվրոպայից: Մենք այս տարիներին առավել մեծ առաջընթաց ենք գրանցել եվրաինտեգրման հարցում, քան նրանք»,-հայտարարել է Մոլդովայի նախագահ Վլադիմիր Վորոնինը: Նրա խոսքերով, «Արեւելյան գործընկերությունը» հիշեցնում է ԱՊՀ-2: «Ինչի՞ համար մենք պետք է եւս մեկ ԱՊՀ ստեղծենք ԵՄ-ի հսկողության տակ: Դա նման է Ռուսաստանի շուրջ սեղմվող օղակի: Մինչ այժ մենք աշխատում ենք հարավ-արեւելյան Բալկանների ծրագրի շրջանակներում: Եվ դա կառուցողական աշխատանք է«,-ասել է Վորոնինը: Նա նաեւ նշել է, որ Մոլդովան կարող է չանդամակցել ՀԱՊԿ-ին, քանի որ երկիրը չեզոք կարգավիճակ ունի: «Ինչ վերաբերում է ԵվրԱսՏՀ-ին, ապա մեզ համար հետաքրքիր էր աշխատել ներդրումային, էներգետիկ, տրանսպորտային բնույթի առանձին նախագծերում այդ կազմակերպության շրջանակներում: Մենք կցանկանայինք անդամակցել Շանհայի համագործակցության կազմակերպությանը, սակայն մեզ չեն առաջարկում: Մոլդովայի համար, ի դեպ, ՇՀԿ-ն գրավիչ է, քանի որ մենք սերտ կապեր ենք հաստատել Չինաստանի հետ: Մենք կուսումնասիրենք ՇՀԿ հետ համագործակցության հնարավորությունները»,-ասել է Վորոնինը, գրում է «Կոմերսատը»:-