Պիոտրովսկին առաջարկում է մշակութային մշտադիտարկում կազմակերպել Արցախում15 դեկտեմբերի 2020 - 18:08 AMT PanARMENIAN.Net - Էրմիտաժի տնօրեն, արևելագետ ակադեմիկոս Միխայիլ Պիոտրովսկին կոչ է արել պահպանել Լեռնային Ղարաբաղի մշակութային հուշարձանները՝ հանդես գալով մանիֆեստով։ Ակադեմիկոսն առաջարկել է մշակությաին մշտադիտարկում կազմակերպել։ Նա կարծում է, որ դա արդյունավետ կլինի, եթե ՌԴ քաղաքական ուժերը զբաղվեն, նաև Կովկասի և մերձկովկասյան երկրները։ Այդ մասին նա ասել է «Ռոսիյսկայա գազետային» տված հարցազրույցում։ «Դերբենտի գիտական կոնֆերանսն անցել է ՅՈւՆԵՍԿՕ-ի հովանու ներքո, կազմակերպության ռուսական կոմիտեի։ ՅՈւՆԵՍԿՕ-ի ռուսական կոմիտեն մեր առաջարկները կներկայացնի Փարիզին, դրանք կուղարկվեն ՅՈւՆԵՍԿՕ նաև պաշտոնական ճանապարհով։ Ես դիմել եմ նաև Հուշարձանների համաշխարհային հիմնադրամին։ Մշակութային մշտադիտարկման մեխանիզմ դեռևս չկա՝ պետք է ստեղծել։ Իսկ առաջին փուլում կարևոր է բարի կամքը։ Չէ որ ռուս խաղաղապահները մտան Դադիվանք, իսկ կարող էին չմտնել»,-ասել է նա։ Պիոտրովսկին նշել է, որ հուշարձաններից բացի շատ են տուժում նաև գերեզմանոցները, կարևորել է նաև Տիգրանակերտի պահպանումը, այլ հնավայրերի պեղման տարածքները։ Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման համաձայնության է եկել։ Ըստ դրա՝ Ադրբեջանը և Հայաստանը կանգ առան իրենց զբաղեցրած դիրքերում: Իսկ ՌԴ խաղաղապահները տեղակայվեցին ԼՂ շփման գծի երկայնքում և Հայաստանի հետ կապող միջանցքում: Պատերազմի ընթացքում հայկական կողմը տարածքային կորուստներ ունեցավ որոշ ուղղություններով, այդ թվում կորցրեց Շուշին։ Բացի այդ, ըստ եռակողմ հայտարարության, հայկական կողմը հետ քաշեց զորքերը Աղդամից, Քարվաճառից և Լաչինից։ Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |