Դիանա Գալոյանը` ՀՊՏՀ ռեկտոր

Դիանա Գալոյանը` ՀՊՏՀ ռեկտոր

PanARMENIAN.Net - Հայաստանի պետական տնտեսագիտական համալսարանի (ՀՊՏՀ) ռեկտորի պաշտոնում Դիանա Գալոյանի ընտրության արդյունքները հաստատվել են: Կառավարության որոշումը հրապարակվել է e-gov.am կայքում:

Կառավարությունը դեկտեմբերի 17-ի նիստում չէր հաստատել բուհի ռեկտորի պաշտոնում նրա ընտրության արդյունքները։ Փոխվարչապետ Տիգրան Ավինյանի առաջարկությամբ հարցը հանվել էր օրակարգից՝ այն ևս մեկ անգամ քննարկելու:

Ըստ որոշման, Կրթության, գիտության, մշակույթի և սպորտի նախարարը պետք է օրենքով սահմանված կարգով Դիանա Գալոյանի հետ կնքի աշխատանքային պայմանագիր` 5 տարի ժամկետով:

Դիանա Գալոյանը ռեկտորի պաշտոնին փոխարինել էր Հայաստանի պետական տնտեսագիտական համալսարանի ռեկտորի ժամանակավոր պաշտոնակատար Ռուբեն Հայրապետյանին, որը պաշտոնից ազատվել էր դոկտորական ատենախոսության մեջ առկա խնդիրների՝ «գրագողության» պատճառով։

Մայիսի 14-ին ԲՈԿ ղեկավար Գոգյանը խոսել էր ՀՊՏՀ ռեկտոր Գալոյանի գիտական աշխատանքի խնդիրներից՝ նշելով, որ նա պաշտոնը զբաղեցնում է կապերի միջոցով։ Մամուլում նաև տեղեկություն էր շրջանառվել, թե ՀՊՏՀ ռեկտոր Գալոյանի հետ մտերիմ հարաբերություններ ունեցող փոխնախարար Գրիշա Թամրազյանը բացատրություն էր պահանջել Գոգյանից։

 Ուշագրավ
Նա օժանդակել է ՀՀ մշակույթի և երիտասարդության նախկին նախարարի կողմից թույլ տրված չարաշահումներին
Նրա նկատմամբ որպես խափանման միջոց է ընտրվել ստորագրությունը չհեռանալու մասին
Նախագիծը հավանության է արժանացել չզեկուցվող հարցերի փաթեթով
Կորոնավիրուսով ավելի վաղ վարակվել էին նաև երկրորդ ու երրորդ նախագահներ Ռոբերտ Քոչարյանն ու Սերժ Սարգսյանը